|

April Thla Chungah SAC Ralkap Nih Inn 4,000 Leng An Khangh

Myanmar ramchung 2023 April thla chungah SAC ralkap nih tualchung mi inn, Biaknak he aa pehtlaimi inn, sii-inn le sii khaan 4,095 an khangh tiah NUG Department of Home Affairs and Immigration, meithat zung nih May 3 ah cathanh an chuah.

Sagaing ramṭhen April thla chungah voi 60 inn kanghnak a chuak i inn 2,477 a ciam. Biaknak he aa pehtlaimi inn le sii-inn hna zong aa tel pinah tualchung mi 10 an nunnak a liam, tiah an langhter.

Mandalay ramṭhan ah inn khanghnak voi 4 a cang i inn 453 le sianginn 2 a ciam. Magway ramṭhen ah inn 35, Biaknak he aa pehtlaimi inn 1 le minung 1 a nunnak liam.

Chin ramkulh ah inn 145 le sianginn 2, Karen ramkulh ah inn 63 le Biaknak he aa pehtlaimi inn 1, Tanintharyi ramṭhen ah inn 8, Mon ramkulh ah inn 3 le Yangon ramṭhen ah inn 1 a ciam, tiah theih a si.

April 30 lio zong ah Sagaing ramṭhen Ye U peng Ngauktone khua zong SAC ralkap 80 tluk nih an khangh caah inn 20 a ciam. Innzuat saṭil le Caw le Na zong an thi, tiah min langhter a duh lomi pakhat nih a chim.

SAC nih cun kan ralkap hna nih, tualchung mi hna inn cu an khang bal hrimhrim lo, tiah an chim ko nain Data For Myanmar nih SAC nih nawlngeihnak an lak hnu in 2023 February thla tiang ah SAC ralkap nih inn 60,459 an khangh cang, tiah an langhter.TCP

Similar Posts

0 0 votes
Article Rating
Subscribe
Notify of
guest
0 Comments
Inline Feedbacks
View all comments