UFC Fighter Joshua Van UFC Ah Aa Celh Ṭhan Cang Lai.UFC Flyweight fighter Joshua “The Fearless” Van cu a ra lai mi April 7(US- April 6) ah MMA aa celh ṭhan cang lai.
Atutan a celhpi ding hi UFC webside lei i kan hmuh ning ah, Brazilian MMA celh thiam Lucas Rocha, kum 23 mi a si. Lucas hi MMA ah nehnang ṭha ngai a ngei i, voi 18 MMA aa celh ah voi 17 teinak a hmu, voi 1 a sung.
UFC website ah cun Lucas hi Jose Johnson he i celh ding an si nain Joshua Van nih tuzing ah amah social media ah Lucas he an i celh lai kong an vun taar.
Joshua van hi UFC a luh hnu ah voi 3 aa celh cang i, a voi 3 ning tein teinak a hmu dih. A hmanung bik aa celh ah Brazilian MMA fighter Filipe Bunes cu round 2nak ah KO/TKO in a rak tei.
Chin MMA fighter Joshua Van hi Myanmar chuak UFC fighter hmasa bik a si i, Myanmar ram chuak UFC champion hmasa bik si ding in ruahchannak nganpi a um. Chin mi aiawh in vawilei pi hmai ah teinak hmu hram ko seh.The Chin Post