A khua – Mawladin, Massachusetts, USA. 1788 August 09 ah a chuak 1812 February 05 ah Ann Hasseltine he chungkhar an dirh.1813 July 13 ah Kawlram an rak phan. 1819 ah Judson nih Maung Naw tipilnak a pek. 1819 August 31 ah Maung Ing tipil a pek than. Cun, 1819 November 07 ah Maung Tha Hla le Maung Phe tipil a pek than hna.
1820 in siangakchia an khawmh hna i ca an chimh hna. Hi lio ahhin sianginn sang hna a um rih lo caah Phungki sianginn ah ca an cawng, nu cu an rak sianh hna lo. Kawlnu lak i zumtu hmasa bik Ma Mya Lay tuanvo an pek. A nupi Ann nih sianginn lei hi ai hmaithlak ve.An fapa Roger nih mual a liamtak hna.
1823 ah Biakam Thar a leh dih. 1826 October 24 ah a nupi Ann nih mual a liamtak. A rauh hlan kum 2 le thla 3 a si mi a fanu Maria Elizabeth nih a liamtak than.Biakam hlun cu 1834 January 31 a lim.
1834 ah Sarah Boardman he an chungkhar an dirh. Kum 10 chung ah fa 7 an ngei. Henry cu India siizung ah a thi. Charles cu Judson te America an kal kar ah a thi.1840 ah Kawl Baibal cu an nam.1845 August 26 ah a nupi Sarah nih mual a liamtak than.
1846 June thla ah Emily Chukkock he chungkhar an dirh.1848 ah English- Burmese- English dictionary a chuah.1850 April 12 ah, Rili cung tinbaw cungah a thi, tilet tangah an vui.
Rev. Dr. Adoniran Judson cu Kawlram ah kum 37 Bawipa rian a tuan. Hi chungah a mit in a hmutak manh mi theipar hna cu;
Mission riantuannak hmun 8
Siangbawi le an nupi 48
Pastor 114
Khrihfabu 74
Tipil ing cia 892
Zumtu 7904
Baibal Sianginn 12
Siangakchia 418
Chun kainak sianginn 44
Siangakchia 707
Judson Bia Roling “Lawmhnak le ngaihchiatnak, damnak le zawtfahnak phun zakip tong ko hmanh u si law hmaiah fong in kan tuah ko lai. Kawlram tlangcar ah thlaici kan tuhmi cu Zion tlangah a theipar kan zun te lai.”
Na tuh lo buin a theipar na zuun tikah na hlan ah thlaici tuhtu an um tinak asi. Thlaici na tuh ko nain a theipar na zuun lo ahcun na tefa hna nih an zuun te lai.
Kawl siangpahrang kha Mirang pawl nih bia an hal: Mirang dang Missionary hi kawlram ah ra hna sehlaw rianá¹uan na sianh hna lai maw? tiah an ti i, An duh zat in ra ko hna seh. Asinain Judson hi cu ka sianh kho hrim lo; ka mi hna nih a hmape hi an celh lai lo.