AA Nih CNA/ F Meithal 100 Kan Bomh Tihmi Kong Ah Zasang Cinzah Nih Hiti Hin A Vun Chim Ve

AA Nih CNA/ F Meithal 100 Kan Bomh Tihmi Kong Ah Zasang Cinzah Nih Hiti Hin A Vun Chim Ve

AA nih meithal 100 CNF kan bawmh hna an ti ti le, CNF lei an kan bawmh bal lo an ti ve i, ahodah an dik timi hngalh a si lo. Investigate va tuah awk zong cu a tha lo i, witness chuahpi khawh ding thil zong a si lo caah an bawmh pek, bawmh lo pek, buaipi awktlak thil cu a si hrim lo.

MAH ralhrang dohnak ahhin meithal le hriamnam tampi kan herh i, hriamnam laknak caah aa rembiknak lam cu Rakhine ram hi a si tikah, MAH ralhrang doh cio cio phu kan si ko caah, AA he i pehtlaihnak tthatter ahhin hlawknak a um deuh hnga maw tiah a ruatmi zong cu an hung um.  Cu zong cu AA ủar ruang siloin, Hriamnam zarh nak lam Kawl bia a si hnga.

Asinain, CNF upa nih AA he ichawnh an duh lo. A ruang tampi lakah aa tel khomi cu Kawl Ralkap le AA an rak ikah lio ah Chin MP le Chin mi tbk AA nih an rak tlaih hna i, an remhkhumhmi hna kong cu, Human Rights abuses an tuah tiah CHRO nih fak nawn in AA cu an rak phozar i, an director Salai BLM hna cu thah ding tiang in an rak tlerh bal tikah, mahbantuk impact ruang ahcun i pehtlaihnak ser a harnak zong a si kho fawn.

Kan innpa a simi AA he ihuat nakin idawt ah thathnemnak a um deuh lai timi a fiang. Asinain, kan dirhmun cu aa dang leng luang. International politics in, AA cu China 🇨🇳 an ibochan i, Chin cu US he pehtlaih kan duh deuh.

AA i an tthawnnak zong khi, China bawmhnak aa tel i, AA nih an khélmi zong hi Democracy nakin, Communist deuh a si fawn. WA bantuk khi an duh timi a von fiang ngai.

Cucaah, AA he hin ikhah lonak a tam tikah, kalti khawhnak lam a tlawm ko lai. Nain nan ram nan ven i, nan thangchoter lai i, kan ram kan ven ve lai i kan  thanchoter ve lai. Kan ikhahnak ah business kan tuah tti lai. Kan ibawm lai.

Ramri kong ah irem tein khua kan sak lai tiah kaphnih ingiarnak umlo te in, mahle timhmi cio ah kal thiam, dealing ituah thiam cu politics ah a herh tuk ve fawn.

Cucaah, meithal 100 nakin a biapi deuhmi issue a tam. Ruah ding a tam tikah, Kum 30 cung upa nihcun, kaupi in khuaruah a herh tuk lio caan a si, ka ti.