Khuafo hartuarmi hna sinah Gospel Ministry International (GMI) hruainak in a voihnihnak kan va kal than. Zumtu hna nih tuarpinak caah nan pekmi cu thihnak a tongmi chungkhar le hliam a tuarmi hna siseh, Hmunthar khua ah a zammi hna sinah bawmhnak pek ah April 5, 2023 ah minung pali: Rev.Duh Sang, Sym Van Bor Sung, Rosy Ngun Hlei Cuai le Thawng Bawi tiin kan i thawh.
1. Khua chungah Khuabawi pa le a dang inn thum lawng khua hngak an si. Khuabawi pa cu khua a hngak hrimhrim. A dang inn thum cu a zam kho lomi deuh an si.
2. Lei kuang le dum ahhin inn 15 hrawng an i dor ve.
3. Hmunthar ahhin inn 45 hrawng an i dor. Inn khat hnih cu hmun dang a hlatnak ah a kalmi zong an um ve.
4. Kanmah kan va kal tikah thazang tampi an la tiah kan ruah ko. Thazang peknak le thlacamnak zong kan ngeih piak hna.
5. Hmunthar a ummi hna hi hmunkhat ah rawl an chum. An ei ti, an ding ti hna. Khan khat ah inn linga an i fon. Caan sau caah cun a har ngai ding an si.
6. A voi(2)nak Gospel Ministry International nih Khuafo ngaihchiami hna cu: thihnak tongmi pakhat ah ting 5 cio, hliamhma tingmi ting 2 cio, Hmunthar a dormi hna sinah ting 1 cio, Khuabawi tlang sinah ting 4 le zeidang pekmi tete hna tiin a dihlak ting 90 hrawng kan pekchanh hna.
Minung hi ngaihchiat kan i hrawm tikah a zor an timi a si taktak. Ramleng le ramchung ummi hna nih an ngaihchiatnak kan hrawmpi mi hna hi an caah a sunglawi tuk ko. Rev.Duh Sang. Chairman. Gospel Ministry International