Ka nun ahhin ka ruah lomi harnak ka ton lengmang. Ka ton lio ahcun a nuam lo ngai nain, Ka tonmi harnak hi ka caah thil ttha le lawmhnak Bawipa nih a caanter tthan lengmang.
Ka pate le bawmhnak thawng in kan nu he inn hlun tak, aho nih an cawk duhmi inn kan cawk. Kum tampi ka zalhmi ka tools dihlak le inn remhnak caah a herhmi thilri pawl inn chung ahcun ka chiah hna. Zaantim ah mifir nih kan inn cu an bauh i, ka tool dihlak pinah thilri kan icawk cia vialte an fir dih.
911 ka call nain an ra duh lo. Ahodah a fir hnga tiah a zarh in a ka zawt. Inn remh zong zaang a tlung kho ti lo. Police station ah report ka va tuah i, cu hnu lawng ah police an ra i case number an ka pek. Security camera tbk zei hmanh a um lo tikah, a firtu kan hlat kho lai lo an ti.
Innremh a thiammi kan si aa timi, hramhriam ka fial balmi Mirang nupa hi an si ko lai tiah ka lunghrinh ziar hna. Asinain, an fir lio ka hmuh lo tikah ka puh ngam hna lo. Anmah lila kha ka thilri an fir dih e, a firtu ka hlatpi hram ulaw tiah ka texted hna.
Facebook Marketplace ah an zuar te ko ko lai tiah ka bawh peng. Zarh hnik hnu ah an zuar ka hmuh tak. Ka inn ah a ra balmi mirang nupa an si. Ka tool a firtu nih an firmi an rak put tthan lo ahcun, Court ah taza ka cuai cang hna lai tiah ka text hna.
Cu hnu ahcun, a rannak in an pa cu a ra. “Keimah nih ka fir. Ka ngaithiam hram ulaw” a ti. A mitthli a tla pah. “Ka zuar dih cang i, a tangmi te hi ka rak put tthan e” a ti. “Bill he, chungkhar kong he ka har tuk i, zeiti tuah awk theih lo ah na tool ka firmi a si e” a ti. Pacang, a mitthli he a von tap ahcun, ngai a chia.
Hnarno ruh a ttam. A poi lo e. Ngaithiam na kan hal i kan ilawm tiah kan leh.Innremh a thiammi, contractor a si ve. Store hna a ngei. A store ahcun a kan kalpi i, kan thilri a firmi cu kan va kawl. Nan herhmi paoh keimah thil zong hi ilak dih ko u a kan ti. Nain a mah thil cu kan la lo. Kanmah thil a simi paoh kan thim.
Ka pate nih hipa hi mittha a si ko lai. A nun ah harnak pakhat khat a ton ruang ah a fir zong a si kho i, a thiammi rian hi pe ko usih a ti. Kan auh tthan i, innleng lei si kan thuh piak law, na kan hauh zat paoh kan in pek ko lai kan ti.
A lawm taktak. A nupi he, a fanu he, an chungkhar dihlak in an ra i, kan inn ahcun rian cu an ttuan. Innpawngkam hramh vialte tthate in an riam dih. Inn chung, innleng si thuh an kan bawmh i, kan cung ah mittha taktak ah an icang. Kan fir hrimhrim ti lai lo’ an kan ti.
Kan inn an bauh i kan thilri vialte an fir ka ahcun, tuar a har pah, thin zong a hung nain, ngaithiam an kan hal i, kan cung ah thil ttha tuah duhnak lungthin hna an von ngeih tthan tikah, lawmhnak ah a thlen tthan. Zasang cinzah