Nuhmei nu ruangah an ram cu mangtam in thiding mi miphun hna nih luatnak an hmuh. Elijah cu mirum le Bawi sang hna tong hamsa loin, ngaktah asi mi nuhmei nu fapa le a mah nuhmei nu a tong hmasa hna.
Elijiah nih a ke in a lamh hmasa nak nuhmei nu le a fapa nih damnak an hmuh. Nang teh kum zeizah dah Pathian rian na tuan cang i, na ke lamhnak vawlei nih kan ram luatnak a pek cang.
A chan cu adikmi le Pathian tanhmi inn chungah lutlo in , Nebuchadnezzar mi lem biakmi inn chungah na lut caah asi. Nuhmei nu le aa fapa ngaktah te cu mangtam chungin rawl ei cawklo an nei lio ah siangpahrang Nebuchadnezzar cu hramh car a tam.
Mangtam le thihnak in na luatnak dingah cun Elijah bantuk thinlung na nei i, dawtnak a neimi nuhmei nu le ngaktah hna sinah thawngtha na phuang a hau lai. Ka nei ka rum ti hlah, na molh ve sual lai le Nebuchadnezzar bantuk in hramhcar na tam ve sual lai. Roger Zathang Uktu Bawi
Pumhnak Kal Tikah: Hawidang he kalti ding, mah lawng thut um hrial ding. Sikhawh cun family tein kal ding.Midang he biaruahnak ngeih, hawikom he biaruahnak caan ser ding.
Zeicahtiah nihin kan hmuhmi kan hawi thaizing zei a ton lai theih a si lo.Caan hman mi tha tein zoh le ngeih ding, mah siarem ning poh in pumhnak ah um lo ding.
Mithmuh lo Pathian ca siseh mit hmuh kan minung hawi hna caah zohdawh tein um i Thilpuan zoh rem tein hruk ding.
Sui, ngun le thilman sang pipi he kal lo ding. Fashion show le puai a si lo caah zuzu tein kal ding. Pumh lio ah phone, Ipad zoh le tuai lo ding, hmu tu hna caah dawntu a si kho.
Kutsih(lehpoih) bu in Biakinn kal lo ding, midang caah tha a chia kho.Bible ken ding, Pumh cu Pathian biak a si caah amah bia simi Bible ken hrimhrim ding.
Thawhlawm ken ding, Pathian thluachuah hmuhmi chung in thawhlawm cu hman tein thlak ding midang hal hrial ding si.Caan ngeimi poh nih pumpak thlacamnak he timhlamhnak ngeih i caan hman ding.
Mithmai panh te le thianghlim te he Biakinn fuh ding, mithmai panh lo bu biakinn kal cu hmutu hna caah thachiatnak si. Tluang Ceu Thang