SAC lutlai Min Aung Hlaing cu Titoih puai a ruang pek in rakhan a phan than. Min Aung HLaing cu Kawlmi hna nih an sunsak titoih puai a ruang pek in Rakhan ah a phanh than kong BNA nih an hlathlai mi ah hmuh khawh a si. BNA nih an langhter mi ah hin Sittway, Nyok Kyauk le Ta tway hna zong a phan lai kong theih a si .
Cu ti a phan ding a si caah rian an khinh mi hna pawl cu timhtuah sa in an um ter dih hna. Tutan rakhan a kalmi hi rakhan ramchung ah cun titoih puai a hlung hlai lai I Myanmar ram pi a daih cang tiah ramkip hlen a timh kong theih a si. Rakhan ramkulh I titoih puai hna cu video thlak ding in nawl zong a pek hna kong SAC riantuan pakhat sin in theih a si.
Rakhan ram chung ah cun SAC le AA karkahdohnak cu November 26 ah khan an rak tuah I mah cu hnu cun kahdohnak a um ti lo caah min aung Hlaing cu voi 4 a va phan cang , kahdoh daihnak an tuah ko nain SAC ralkap nih hriamnam le ralkap thazaang a chap kong zong hmuh a si. Kahdaihnak an tuah hnu cun SAC lutlai min aung hlaing cun tukum chung ah thlakhat voikhat ti awk in rakhan ram a phan.LCBN