Voikhat cu kum 24 tluk hrawng a simi pa nih tlanglawng (train) window in a lu a hei chuah i khua a cuan.
Lau ngai in train chungah a ummi a pa cu a hei auh i, “ka pa, thinkung pawl khi hnu lei ah an i thawn hna” tiah khuaruah har ngai khin a hun chimh. A pa cu lunghmui ngai in a merh.
Tlawmpal ah a hun au than, “Ka pa vanraang hna khi, kan umnak poh ah an i thawn ve” tiah a hun ti than. Cu tikah an pawngah a thu mi hna cu an i sum kho ti lo i a pa cu, ” ziah na fapa hi mental lei Doctor sinah na kal pi lo” tiah an hal.
Tarpa nih a lehmi hna cu ka fapa hi a hngakchiat tein khua a hmu lomi a si i, tuni lawng hi khua hmuh hram aa thok a si, tiah a chimh hna.
Zeitik hmanh ah an konglam fiang tein na theih hlan ah fawi tuk in mi va soisel hna hlah, anmah le piah-tana (story) te an rak ngei cio tihi va philh hlah. Thaceu Lian
Thawngpang dang relchap- Bungzung lei ah atutan a rak kaimi hi Kawl ralkap ah min ngei, communist ral a thiotu (တပ်မ ၇၇) ခြေမြန်တပ်ရင်း an si.
Kawlram chung i a herhnak poh ah kuatmi a huaisen takmi, 2021 ralhrang doh aunak i lam a zawhmi hna a hremtu kha an si.
Leium khua kiangkap ah an um lio asi. An tha zaang hi 200 leng an si lai ti zumh asi. Gangaw in an rak kai pah ah CNA he an ikap pah thluamah cang.
Atulio ralhrang nih khinhmi Chin State Chairman Dr. Vung Suan Thang nih Naypyidaw i thlithup in ca a kuatmi ah Tinam le Chuncung ah ralhrang camp ser dingin request a tuahmi a um.
Mah cucu Kalay Hakha lam le, Hakha Gangaw lam control nak caah an hmui tinh asi. Atulio an cawlcangh ning zoh tik ah mah cucu an itimhmi si dawh a lo. Hakha lei an rak kai hi zumh cio a hun si ko cang.
Bungzung khua um, ralhrang Hakha lei ah an kai ti in khua zeimaw cu a rak zaammi an um hna i, an kai maw kai lo tiah haltu nan um pah caah ka theihmi vial ka hun ttial lai.
Nihin chun hrawngah Leium khua kamah an i kap pah, Bunzung ralhrang hi Leium khua ah an rak ra lengmang nain Bungzung ah an va kir tthan tawn an ti.
Tutan hi Hakha an kai lai le kai lai lo a fiang lo, Hakha leiah an rak kai hrimhrim lai tiah chimawk ttha si rih lo, voidang ah Leium lei an rak rat tawn lengmang caah si.
Hakha an rak kai te ahcun thawng kan vun thanh te lai muh.Leium lei kiangkap ah kan ralkap an um ko hna i, thawngfiang a um tuante ko lai dah.Salai WHC