Voikhat cu kan naupa Myanmar in US ah a rak tlawng, a chungkhat ka pule inn ah ka tlung lai a rak ti i kan rak chiah. A pule cu mineinung le mitheih ngaimi an si i.

Biakinn Thiang | Radio Veritas Asia

An i thawh i “kan inn hi cu kan tarual tuk i room kan khat tuk cang caah kan innpa hna inn ah kan in chiah lai mu, na chungkhat ve thiam an si ko” an rak ti i an rak chiah.

Minthang le milang an vun rất paoh le an inn tlun dingin a cuh in an i cuh fawn, room lawnglo timi an ngeibal fawn lo. Pathian le an thei meisai hoi, sifak le santlailo he chungkhat nakin minlang le milar pawl he i theih a duh deuh mi an si bik in ka hmu.

Biakinn Thiang | Radio Veritas Asia

Laimi Khrihfa kan nun ning hi biakinn chungah Pathian va ti, hmurka vai thlumter ngai le hmurka thiam ngai, mirum le minlang deuh he i dawt khawh i nunthiam vial hi maw kan rak si tawn hnga ka ti.

Taktak lo ahcun Khrihfa nun cu sifakmi hna sinah thawngtha phorh awk le lungkua ummi hna damter awk le sal i a tangmi hna sinah chuahnak thanh awk le thong chung a tangmi hna sinah luatnak thanh awk ah fialmi kan si deuh lo maw?

Biakinn Thiang | Radio Veritas Asia

Laimi Khrihfa ai timi hna kan lungput cu tukum chung hrimhrim ah zeitiang dah kan si timi a langh ko lai. America cozah le America Khrihfabu nih minung 70,000 tluk Chinmi a rak kan lak, tucu nanmah tein ai la kho nan si cang i nanmah tein i laknak nawl kan in pek hna a kan ti cang.

Laimi Khrihfabu ngan he fa he a za in US ah kan um, Chin communities phun zong tampi kan um, Delhi le Malaysia ah a tangmi kan unau hna hi kan la hna lai maw solhphelhnak cu dah ziathatlo tuk ziar buin kan chim ko rih lai ai fiang ko lai.

Biakinn Thiang | Radio Veritas Asia

Thleidannak lungput hi ngei hna hlah usih, i hnahchuah hna hlah usih, mi tlawmtuk kan si rih, Jesuh nih theih lomi zultu hna kan rak si ziar sual lai phan kan um ko.

Biakinn chung lawngah Pathian a ti i a chunglei vial in mirum le milian he lawng chungkhat a duhmi, hnahchuahnak lawngte in a khatmi hna kan si sual maw?

Laimi chungah hin ai uah ding le ai phorhlaw ding tlak pakhat zong Kan hmu hna lo kei cu, ai tluk le ai level dih lawngte kan si ko hna caah, aho hlei misang in ka hmuhmi pakhat zong nan um lo.

University kaimi na va si pet ah, khuatlang mipi theih le chaw tlawmpal te na ngai ai pet in i uah hlah, Pathian cung tu ahkhan i lawm law, Jesuh nih an fialmi mirum le minlang va theih nakin santlailo dawtu va si deuh ko. Chelsea Bawi

By admin

Leave a Reply

Your email address will not be published. Required fields are marked *