Zeitik ah dah mipi an lungdongh te lai i kan tei hna lai ti hi atu lio ah kan ralhrang uico pawl nih an hngahmi le an i ruahchanni a si.

Cu lioah kannih bel cu kan i lung a thawh saling, kan thazaang a um saling a si. Lungdonghnak cu kan ral ah kan i ser lio a si ti an rak thei ttung lole, kan thawng chinchin lai.

Kanmah le kan sining le dirhmun nih a phak khawh tawk cio in kan ralkap hna dirkamh in bawmchan tualmal rih ko hna usih. Mipi kan thazaang a deuhdeuh ve lai, kan ralkap hna an thazaang a thawng, a tlung deuhdeuh ve lai i ral kan tei deuhdeuh ve fawn lai.

Chungkhar sahlawh hoih, a pengtlang le a khrihfabu hoih rumro in cawlcangh caan a si ti lo. Miphun pakhat, ruahnak lungput, zeizong vialte ah pakhat kan sinak langhter caan a si. Churkhat chuak unau kan sinak langhter caan zong a si.

Ahlan deuh ahcun hibantuk hi mino deuh in hmuh le theih a si tawn. Asinain, atu lio ahcun anihnih timi kan pale hmurka rumro in theih deuh a si. Mah le mah i doh caan hrimhrim zong a si lo. Kan tanrual caan a si.

Mah pawkhim ca’h, mah le paw caah ruah in zeitindah ka eihmuar khawh lai ti ruah caan zong a si lo. Dinfelnak ttanh caan zong a si. “Miphun lianna ngantertu cu dinnak a si”. “Lungsaunak a thei par cu teinak (hlawntlinnak) a si”. Salai Van Lahnin

By admin

Leave a Reply

Your email address will not be published. Required fields are marked *