2021 lio Chinram le 2023 hnu Chinram kan dohthlennak muici a vun i dang ngai tiah an ti pah cio hna. Ralhrang kan dohnak ah hin,a bik in Hakha le Thantlang peng deuh lawngah tukdohnak biatak in tuah a si caah mahti an chim pahnak si ko lai dah.
2023 hnu cun, Chinram peng ( myone) 7 ahcun zei pipa tukdohnak a um tuk lo ti khawh a si hrim ko! An fim caah maw si, an zertian caah maw si, an thazaang tthawn le der ruangah dah si tihi fian a har ngai nan ti cio ko lai tiah ka zumh.
Online ralkap le online dohthlennak a um, mah hi cu Chinram luatnak chimlo, anmah peng ( myone) hmanh an luatter kho lo ding tiah ka rak ttial,comment ka rak pek tawn kha a tak in a cang hnik ko rua hih!!
Mah kongah zaipi lungdong hnik nan um pah, msg zongah an kan hal pah tawn, nucan le pacan ah a dirmi um phung a si i,an um lo ahcun kan tlau thai lai tikha ka bialehnak a si tawn.
Ralhrang he Kawlram hriamtlai tthawngmi phu thum hna cu kahngolhnak an tuah, nain zeipi lohma a kal kho lo, Chinram le Chinral ralkap a tthawn hmasa lo cun, kahngolnak phun zong tuah awk ttha silo in a lang.
A ruang cu nangmah maw keimah tiah aa ti ngam in aa sawhchih ngam dirhmun kan phanh tikah kahdaihnak va tuah si aikun, kan duhmi tam deuh kan hmu kho hnga. Salai William HC