Home crusad ngeih aitimh lai zan bak ah a dawt tukmi anupi nih a thih tak

Mizoram cu kan theih cio bang in Pathian a duh taktak mi miphun ansi caah tulio kan vawleipi akan buaiter dihtu pulrai tthalo covid-19 ruangah ramkhat le ramkhat hmanh i tlawngkai kho lo le innpa chakthlang hmanh ilengkai kho lo in Lockdown akan tuah dih ti cu zapi theih dih cio a si.

Cu Lockdown nak nihcun chungkar tampi sifahnak an kek pek cuahmah lio ah chungkhar tampi caah cun Pathian he pehtlaihnak caanttha ngai ah akan serpiak ve hoi. Kan unau mizoram cu covid-19 ruangah an cozah nih Lockdown an tuah dih ve caah biakiin tiang an khar dih cikcek ve.

Hmanh sehlaw Pathian arak duh hrat cu biakinn khar in ipum kho hna hlah hmanh sehlaw Pathian biachim kho mi hna nih biatak tein Home crusad an mipi caah antuah piak peng hna. Lockdown an tuah le cangka in TV. Frederick nih LPS le Zonet hmang in Mizo mipi hna caah Pathian bia chimnak a ngeih piak hna.

TV. Frederick a dih le cangka in April 3-8, 2020 chung T. Upa R. Lallungmuana, Synod Revival Speaker, Selesih nihcun LPS le Zonet in Pathian biachimnak angei tthan ve lai tiah theih a si. Pu R. Lallungmuana nih Pathian thawngttha biachim thawk atimh bak in adawt tukmi a nupi Tei nu nih lungtur zawtnak in a thih tak diam ai.

A dawt tukmi anupi nih thihtak ko hmanh sehlaw an ram mipi nih an her tukmi Pathian biachim cu ngol a tim hlei lo tiah theih a si. Hei ruat ve hmanh mah nupi le nih vun thih tak ka bak i Pathian biachim ding cu a fawi hrimhrim lo. A dawt tukmi a nupi nih thih tak ko hmanh sehlaw a caah zumhawktlak tein a um hnawh zungzal mi a Pathian caah le a miphun caah a caan cu tlohlo tein ahman thiam thiam tiah theih a si.