Hniarlawnthar pawng Kahdohnak ah SAC Ralhrang 5 an Thi

Nihin zinglei sml. 10:00 hrawng in aa thawkmi Hniarlawnthar pawng kahdohnak ah SAC ralhrang lei in minung 5 an thi, tiah CNF chimnak nawlngei Salai Htet Ni nih a chim.

“Hniarlawnthar khuate ah zinglei sml. 10:00 hrawng in i kahnak a um i, SAC ralhrang lei in minung 5 an thi. Kanmah CNA/CDF lei on mithi/thliampu kan um lo.

May be an image of outdoors

Hmaitonh in kan i kap ti awk ngaingai a ttha lo. Anmah lei nih cun kahthlorh in an kah,” tiah Khonumthung ah a chim.

Hniarlawnthar ah kum 13 pa ngakchia pakhat telh in minung 4 zong SAC ralharng nih an tlaih hna.

May be an image of outdoors

“Khua ah um ngam a si ti lo caah hmundang ah kan i tthial chung pah dih ko,” tiah Hniarlawnthar pastor pakhat nih The Chin Journal ah a chim. Cred- The Chin Journal

Relchap- Lungpi khuami Pa pawl SAC ralkap nih an tlaih hna i ralsa-tarh ah an hman hna. October 12 zaan Falam ah a riak i Hakha lei ah a kal mi SAC ralkap pawl nih Lungpi khuami Pa pawl an tlaih hna i ralsa-tarh ah an hman hna, tiah Cung Ngai nih a facebook cahmai ah a tial.

“Hi hna pawl hi motor 6 le tank 2 in an chuak i 10:45 AM hrawng ah Lungpi khua a phan mi an si. Lungpi khua ah meithal an puah len,” tiah khuami pakhat nih The Hakha Times ah a chim.

Hi kong ah CNF Chimnak Nawlngeitu Salai Htet Ni nih, “SAC ralkap pawl kan kah cang hna,” tiah a facebook cahmai ah a tial i Lungpi khua ah maw asiloah khoika ah dah an kah hna hngalh a si rih lo. Crd: THT

You cannot copy content of this page