Hmailei kum tiang ka dam rihko asiah cun pumpak show puai ka tuah rihlai tiah achimtu Mi Mi Khay

Mi Mi Khay cu cancer zawtnak dot linak tiang nih a tlunh hnawh tikah cun a damlio can tlawmpal chungah amah thapetu hna hrangah hlasakpiak nak ngeih aduhmi cu tlamtlingtein arak tuah khawh cang. Ram dang in kawlram ah rak tlungin amah pumpak show puai arak tuah tikah thapetu hna tampi nihcun cancer zawtnak nih buainak a chuah hnawhmi Mi Mi Khay cu tha an pek cio hna.

Mah pumpak show puai a tuah dih hnu can tlawmpal naite ah khan a khuasaknak hmun Australia ramah cun akir than. Mah hi nu uar um khawh ning cu, minung tampi cu cancer zawtnak an ngeih ahcun lungdong in zeihmanh tuahhuam lo in a ummi tampi an lio ah Mi Mi Khe cu a biak mi Pathian bochan buin lungthin thawng taktak in anung mi nu a si.

Australia ava phanh hnuah thla thum ah voikhat peng silei chekhlatnak atuah tawnmi result cu a tha tiah theih asi. Mi Mi Khay nihcun a nun chung can tlawmpalte chungah Yangon ah amah pumpak show puai atuah lioah arak rakholotu hmundang um thapetu hna hrangah amah pumpak show puai cu tuah than a duhnak kong arak phuan hi asi.

Mi Mi Khay nihcun amah pumpak show puai cu aralai dingmi 2021 kum ah Mandalay khuapi ah tuah arak timh konain amah thapetu tambiknak hmun ah tuah aduh than tikah khuzei ah tuah ding asi timi kongah thapetu hna nih ruahnak cheuh dingin anawl hna.

A ralai dingmi kum ah amah pumpak show puai tuahcu amah duhnak men asinak konglam zong arak phuan. Sinain hmanhsehlaw hmai kum tiang cu nun rih a duhnak konglam zong arak phuan chih. Hmai kum tiang a dam ti ngha maw timi cu theih asilo nain mipi sin i nuamhnak in damnak akawl zong asi kho ko. cu ruangah cun dam hram sehlaw hmai kum lawn siloin can saupi tiang dam hram seh.