Hmai Arsik Fawi Tak Tak In Damter Khotu Eidin Phun (4)

Ngandamnak cu minung ca lawng hmah silo in ramsa tiang in anherh cemmi thil a si. Vawleicung ah zei tluk in va rum ko hmanh law na ngandamnak a ttha lo ahcun narumnak vialte cu santlai lo an si. Mirum tampi cu ngandam duh ruang le muidawh, tivun tthat duh ruang ah phaisa tampi dih in sizung ah an ni piah lengmang tawn.

Tivun thatnak ka tihmi khi cu company nih an sermi sii-ai le cream hna nihcun chikhatte cu a thatter khawh men, hmanh sehlaw caansaupi anguh kho hlei lai lo. Mah caah cun minung kan ngandamnak ding le kan hmai arsik ummi vialte hna le kan hmaivun ttha lo mi fawi tein atthat i caansaupi tiang anguh dingmi eidin phun li hna cu a tanglei ah khin ka vun langhter hna.

Ti thiang mi

Minung kan ngandam khawhnak ding le kan tivun aidawh khawhnak ding ahcun ti thiangmi tampi in kan din piak a hau. Tidin nak minung kan pum chung lei thurhnawn mi vialte kha a thian dih caah kan tivun tiang a tthatter.

Saruh chumh mi hang din piak

 

 

 

 

 

 

 

 

 

Minung kan ngandam adam khawhnak ding ah a biapi taktak mi cu saruh chumh mi hang din piak lengmang khi asi. Saruh chung ummi dat nih khin minung kan ngandamnak caah tampi akan bomh khawh caah zarhkhat vawikhat tal cu saruh chumhmi hang din piak ding.

Thingthei hring tampi ei piak ding

 

 

 

 

 

 

 

 

 

Minung kan ngandamnak caah a biapi taktak mi cu thingthei hring mi tampi ei piak khi a si. Mah chung ahcun creen apple hna khi tampi kan ei piak khawh ahcun kan hmaivun ttha lo vialte kha zeitlik kar ah dah a tthatter ti hmanh naa theih hlan ah arak ttha dih ko lai.

Reite hang din piak

 

 

 

 

 

 

 

 

 

 

Reite hang khi minun kan ngandamnak caah a biapi taktak mi thei phun khat a si. Theithur a duhlo mi hna caahcun reite hang vun din cu thil fawi lo ngai mi a si ko nain duh ruang ah din silo in kataksa nih ahermi a si tiah kan duhlo zawng tule tuin kan din piak lengmang ding a si.

A cunglei ah ka vun langhter mi eidin phun li hna cu na duhlo mi lo an si zawng ah rak ei hrimhrim. Na taksa nih a herh taktak mi dat tampi anpe khotu eidin an si caah duh ruang men ah silo in ahnek bak in kan i hnek ding tu khi an si.