Hliahcang Fah/ Zawtnak A Ngei Mi Hna Caah A Ttha Tak Tak Kokek Sii Ka Rak In Hromh Hna

Minung tampi an temtuar taktakl tawn mi zawtnak phunkhat cu hliahcang fah (Gout) zawtnak khi a si. Mah zawtnak cu thiamsang hna nih hlathlai nak an tuah i an hmuh chuah mi cu, uric acid tam tuk ruang ah a chuak mi a si tiah an chim.

Tu i ka rak langhter ding mi kokek sii cu hliahcang fah lawng hmanh si lo in pawpi fah zawtnak tiang in a damter khawh tiah theih a si. Mr. Liu an tihmi cu hliahcang fah zawtnak ruang caansaupi um kal kho lo in a n um hnu ah mah kokek sii hi a hman i damnak a hmuh.

Hliahcang fah zawtnak caah a ttha taktak mi kokek sii cu, Sangphaw( mizo nih hnuhnun) an tihmi a hmin lo mi pumkhat kha na lak hnu lai i, a lu chip zawn ah khin namte in na riam piak lai. Mah hnu ahcun “lakphak fe”  na duh ahcun a hring mi kha a sangphaw chung ahcun na rawn piak hnu ah meiphu lak ah na rawh lai i mah cu hang cu zingzan in nadin piak la.

Sangphaw chung ah na ciahmi Lakphak fe kha nikhat ah a tlawm bik vawi hnih in andin piak la. Mah ti nadin piak ahcun na takpum chung ah uric acid a tam tukmi kha a zorter lai hliahcang fah, pawpi fah ruangah lungrethei i narak tawn mi cu zeitik kar ah dah a dam tihmanh na thei manh lai lo.

Damnak na hmuh hnu zawng ah arak chuah tthan tinak ngha lo a tlawm bik thla 1-3 tiang tal cu na dinpiak la. Mah ti thla thum chung hrawng nadin piak a si ahcun hliahcang fah, pawpi fah ruang ah vawi khat te hmanh nai soisel ti lai lo.