Hi Thil Pawl Hi Thimfung Leem Nak An Si Sual Hnga Maw?

Ralkap uk nak thok in kan pa Gen. Aungsan tuanbia le lim haang cu ti khu ttian in a ttian. Chan aa thleng tthan. 2015 hnu in Gen. Aungsan min le limhang a hung chuak tthan.

1. Aungsan zuk cawl DASSK le Kawlram zungneem hna hohaat nak in Aungsan zukcawl cu 2020 election hlan ah lim ding in am hnawh cuah mah cang.

2. Aungsan hlei Kawlram tiva lak ah a sau bik Thanlwin tiva ah an rak donh i a min ‘Thanlwin hlei’ cu a tu kan cozah nih a thar in a sak. Cu hlei min cu a tu hlutdaw biachahnak hmang in ‘ Aungsan hlei’ tiah an leet. Hi ruang ah tualto miphun pawl le cozah karlK ah faak ngai in buai nak a rak chuak bal. A si nain Aungsan hlei in min bunh thai asi.

3. Aungsan Darlem A tu kan cozah a kai hnu ah myanmar ram chung ah Aungsan dareem hi 15 nak tlom lo a hnuai. Hakha khua zong ah Chin pine cozah nih Aungsan dar lem cu hnuai asi. Hi kong ah NLD Lutlai Dr. Myeo Nyunt nih ‘ hi hi kan mah party nih policy ning in hrih hawh mi asi lo. Aungsan a upat tu nih an tuah mi asi, a ti. Nain NLD lutlai asi mi U Win Tin( ဝင်း ထိန်) nih cun ‘ cu hlan vial te khenkham le rial diip a tong mi Gen Aungsan dirhmun ah a tu kan mah NLD nih cozah kan tlaih chung ah hin a lim haang hi thar chuah kan duh caah kan tuah mi asi’ a ti ve. Napyidaw ah President Win Myint a tuah ter mi Aungsan dar leem cu Ks. Sing 2000 hrawng dih ding asi. An tuah dih deng cang lai. NLD Lutlai ziik pathum nih am chim mi bia belte an i hnih khat pah.

4. Aungsan lemcuang tangka hnah Ks. 1000 Cozah hlun lio ah U Thein Nyunt-အမျိီုးသား ဒီမိိီုကရေစီပါတီသစ် ဥက္ကဋ္ဌ( NLD in a chuak mi party) nih hlutdaw ah Aungsan lem cuang phaisa hnah ser tthan ding in a rak chuah mi cu 2017 ah NLD hlutdaw kuzale U Aung Khin Win nih a chuah tthan. Kan cozah nih 2020 Jan. 4 ah Aungsan leem cuang tangka hnah Ks. 1000 cu an chuah khawh cang. Cu lawng si lo in 2019 kum dih lai ah tangka tlang asi mi Pya 50( ၅၀ ပြား) zong an ser asi fawn. Hi phaisa hnah chuah ruang ah Myanmar ram phaisa he pehtlai in inflation( ငွေ ကြေး ဖောင်းပွမှု) a karh kho men, tiah caih phai a tam.

5. 3% Tax discount A tu kan cozah nih ttuan vo a lak thok 2016 hnu in kan ram cu ram pi cal nih an tuah mi lak ah pakhat asi mi Tax( ngun khuai- အခွန်) hi cu hlan nak in tam pi a kholh. Hi kong ah a phun zai mi cheukhat an um ko bu ah mitam pi nih cun thilttha asi tiah cohlan asi. Electric bills zong tampi a sanh. Cu zong cu mipi nih kan cohan dih. Asinain a tu kan cozah nih 2019- 2020 budget kum ngun khuai kholh nak kong cu 3% in a tthumh fawn. Hi a tthumh mi hi Cozah phaisa kum ri khiah nak ning in 2020 Sept thla tiang ca lawng asi fawn lai. Hi kong ah hin ram khel cuanh thiam tampi nih a soisel ngai. A ruang cu hi nih hin a tu kan ram ah mirum( ခရီုနီ)le a dang mirum tam pi hna thinlung leemsoi nak caah a tuah mi asi, an ti.Kum li chung mipi sin ah ngunkhuai kholh nak a sanh hnu 2020 election kum ah cun 3% in a tthumh mi hi cu ruah a phu.

6. Budget Ks. 32,339 billions Kan ram nih ramchung ram leng ah leiba a ngeih mi cu ralkap chan lio in asi cang. A tu kan cozah nih cholh phen nak ah a hman bik mi zong hi lei ba le nehnang hi asi peng. A tu cu kum dongh lei kan phan cang. 2019 lio kum budget cazin lio ah thawngthanh ning ah cun Ks. 20000. Billions leng asi. Hi tluk in leiba a tam lio ah a tu btk in 2020 kum ah hi tiang tiang kan cozah nih budget a sanh mi kong ah hin kan ram si ning a tuaktaan mi cheu khat cu an thling a zaa ngai. Asinain a chunglei riantuan tu pawl nih cun Government Injection asi, an ti. Asinain kum khat hnu kum khat cozah nih a tthanh mi budget nak in a tam tuk tik ah ram khel a cuan mi nih cun ‘ hi hi election agenda’ caah asi kho an ti. Ref & Credit : The Vioce( 2020. Jan 6)