Hi Thil Ah Hin Azeideuh Dah Kan Ithim Hna Lai?

Tinduh Thang: Na khua lei panh i na tlun kal cuahmah lio ah na tha a ba i lampi ah na tthu i nai din, tho in na kal tthan lo ahcun zeitik ahcun dah nan khua cu na phanh khawh lai? Boxing nai thawng, nai thongh cuahmah lio ah na kut hnih in na ttang ah na kut cu a pahnih in nai lehpeih i na chiah men ko ahcun, na thongh pi mi pa nih tenglak in an tongh lai i, teitu/ Champion cu na si kho bal lai lo.

May be an image of outdoors

Na lu cu ti le saipiat in na ttawl i, na lu i saipiat kha thiang te in na ttawl lawlaw lo ahcun ruah nih an surh tikah na mit an khaat lai i, kalnak theilo in na um lai i, khuar khuhrum ah na tla ko lai. Na pawcawmnak na lo chungah sattil a lut i na thlai cin mi cu an ei cuahmah mi na hmuh ko bu in na chuah hna lo le na tthawl hna lo ahcun na thlai cin mi cu sattil nih an ei dih lai i, a hnu ahcun sattil ngeitu tiang nih na lo cu an chuh thai ko lai.

Na umnak dingah inn na sak liopi a si i na lim rihlo,na inn sakmi na lim hlan ah,”aa tangka tamtuk ka dihcang ti in na sak cia mi cu tthet tthan law a let in na sung. Na sak dih hlan i,na dinhtaak zong ah na sung tthiam. Rangtum nai cuan i na rang cu aicheih cuahmah lio i na zuan diam ahcun na lu kak in na ril ko lai.

Midang nih na pa ro a si mi na inn hmun cu an cuh i an cuhtu pa nawlngeihnak tangah na inn hmun cu a um! Na pa ro a si mi na inn hmun cu na chuh khawhnak dingah nangmah kha biatak te in na cawllo ahcun na inn hmun cu na sung thai ko lai.

Nan khua ram khaan pakhat ah Sazuk an tlawng lulh ko, cu sazuk sa cu na ei khawhnak dingah, na thah a herh, that tung lo i, sazuk an tam ning le a sa ka hawt ning, a sinain va kal hnawh in va kah ding le ka huam fawn lo na ti ahcun na ei kho bal lailo, na kal huam lo hmanh ah a kal i a kap ngam mi kha meithal pe law kap selaw ti cunh pei a sa cu na ei khawh lai cu..

Note: Zeizong vialte nih hin caan an ngei i, Chin miphun le Chinram zong nih hin caan kan ngei ve…A tu hi zeibantuk caandah a si?

Vawleicung Ah Khuaruahhar Cem A Si Mi Le North Korea Ram Lawng Nih An Neih Mi Upadi- 10

1. Sam pungsan: Vawleicung a ummi minung ho paoh nih khan sam pungsan mah duhning tein tuahnak nawl ngeih dih cio asi na belte in North Korea tu ah khan cun acozah nih sam punsan an chuahmi bantuk lawnglawng in khan sam tuah le meh, riamnak nawl an ngei.

2. Khualipi Pyongyang: North Korea ram khualipi Pyongyang ahhin mirum tangka ngei paoh um khawh asilo. Acozah uktu hna hnatlakpinak ṭhohkhanca ngeih lawnglawng ah Pyongyang khua ah umnak nawl ngeih khawh a si.

3. Acozah nih a ngeihmi TV Channels pawl: North Korea ahcun TV Channels line-thum lawng a um i, cu TV channels pawl zong cu acozah uktu hna nih fekṭhup in an tlaihmi lawnglawng kha a um tiah theih a si.

4. Innchungkhar ningpi in dantat pek: North Korea rammi pakhat sinak dirhmun in thil sual, thilṭha lo pakhatkhat tuah le phung buar ahcun cu thil a tuahtu i a innchungkhar ning in dantat an i huah tawn tiah theih asi.

5. Thlithup luh le chuah a harnak ram: North Korea rammi pakhat nih ramchung in phungning lo lamdang phun, a thlithup in ram chuahtak cu a lianngan taktakmi sualnak tuah le phung buar ah an chiah/ruah hna. Hiti a thlithup in a chuakmi tlaihkhih an ton sual si ahcun thihdaan tiang pek khawh an si. Ramdang zong in a thlithup in a lutmi cu aa khatmi hremnak thihdan tiang tat khawh an si ve.

6. Internet hmannak nawl an ngei lo: North Korea ram ahcun ramkhel hruaitu lutlai pawl le an chungkhar hna, Colledge sianghleirun sang deuh pawl hna, ralkap i cyber lei he a pehtlaimi sianghngakchia pawl lawng kha internet hman khawhnak nawl an ngei tiah theih a si.

7. State Made Web: North Korea ram a ummi computer pawl ah cun window, Mac tibantuk pawl Operating System hna kha na hmu ve hna lai lo. A hmunram le ramkulh nih an tuahmi operating system le computer pawl lawng an um.

8. No Wifi: North Korea ah Wifi timi a um kho lo. Vawleicung ramkip ah North Korea nih a chiahmi an ram aiawhtu zung Embassy hna zongah WIFI hman an kham dih tiah theih asi.

9. Nu ralkap pawl an harsatnak: North Korea nu ralkap pawl hna nunning zong hi a har ngaingaimi pakhat cu asi ve ko. An sam vialte an riamning pungsan aa khah dih a herh bantuk tein a zungzal lungrual tein an umṭi khawh peng zong kha a herh rih ti asi. Hiti an um duh lo i, an tuah dingmi lonh le buar ahcun an buu ningin rianhrang ṭuannak camp ah kuat colh an si tawn ti si.

10. Motor monghnak nawl: North Korea rammi paoh nih motor monghnak nawl an ngei ko natein, acozah nih a sianhmi minung hna lawnglawng nih motor ngeih khawhnak nawl an ngei e ti asi. Credit to original uploader

Leave a Reply

Your email address will not be published.