Germany Nih Taiwan Ka Dirkamh Lai A Ti Leng Cangka Rasia Nih China Dirkamh Nak Bia A Chim Colh

Vawlei pi nih a cuanh cuahmah mi cu China nih Taiwan a doh sual lai maw ti hi asi. Hi tluk i vawlei pi thinphang i a um cuahmah lio ah zeithil dah cang ti ahcun nizan ah US House Speaker Nancy Pelosi cu Taiwan ah a tlawng.

U.S. warns China not to turn Pelosi's expected Taiwan trip into crisis | The Japan Times

Nancy Pelosi Taiwan tlawng ai tim tihmi China nih a theih bak ah heh tiah ai-hrocer i missel tiang a kah, a ralkap thong tampi training a tuahter hna. Cun China nih a timi cu Nancy Pelosi Taiwan a luh bak ahcun ral kan tho colh lai ti tiang in a au-khuang.

Mah kong ah vawlei cung ram thawng tampi dai te i an um lio ah Taiwan kong ah a holh lem bal lo mi Germany a rak holh ve cang. A ti mi cu China nih Taiwan a tukdoh ahcun kan um sawhsawh lai, lo kan dirpi colh lai tiah a chim.

A Pelosi Visit to Taiwan Could Worsen Tensions Between U.S. & China with Little Benefit to Taiwanese - YouTube

Foreign Minister Annalena Baerbock nih a chim mi cu International Law zeirel lo in a cawlcang mi cu kan zoh sawhsawh kho lai lo. Ram ngan/ ram lian pi nih anak ram fa deuh a tukdoh ahcun Germany cu kan tthu sawhsaw kho lai lo, kan dirpi colh lai tiah a chim.

Mah rualrual in China unau pa Russai cu a nau pa ttanh in a rak holh ve. Russia’s Foreign Ministry nih China Sovereignty kilven nak kong ah ttuanvo a lak mi paoh cu kan hnatlak pi tiah a chim.

Don't say we didn't warn you, America VS China, new war scene regarding Pelosi's visit to Taiwan - Edules

National Security Coordinator for Strategic Communications John Kirby nih The White House chuan United States House Speaker Nancy Pelosi in Taiwan a tlawng mi ruangah hin China nih Taiwan tukdoh a timh mi hi a khulnuar ter khawh tiah a chim.

Cheukhat zumhnak ahcun Nancy Pelosi nih Taiwan a chuah tak hnu ah China nih Taiwan hi a ruun te khawh men tiah an chim. Nancy Pelosi nih Taiwan a tlung ruangah US ambassador cu an auh i bia an hal tiah theih a si.

Nancy Pelosi Taiwan a luh bak in zan khuadei China’s Liberation Army nih Taiwan province/ region 6 hel in Military Drill an nei cuahmah tiah theih a si. China an cawlcangh ning zoh tik ah Taiwan hi a doh ngam taktak te men lai lo. Ai-hrocer pi long si dawh asi.