Farrawn Khuabawi CNA Nih Kawhmi Kong Ah Biafiang

CNA nih kan khuabawi an kawhmi hna hi an pahnih in ka pa le veve an si. An kong ah ka lungre a thei. Thawngfiang theih duhah khua lei phone ka hei chonh hna.

Farkawn - Pi Fangi Tourism Society - YouTube

CNA nih an kawh tak ko hna. Khuabawi thar an kawh hmasa. Ahlan ah USDP a rak si bal caah ralkap he pehtlaihnak a ngei tin a lunghringmi an um. Cucaah na dirhmun kan chim tiah bia an hal a si.

Anih nih ralkap he siseh, CNA he siseh ahleiin pehtleihnak a ngeih lonak kong, le khuabawi hlun ai dinh caah caan karlak khuabawi rian ai khinh chung bia a sinak a chimh hna. CNA lei nih ralkap he pehtleihnak ngeilo ding in ralrin an pek hnu ah him tein an kirter.

Cu hnuah khuabawi hlun cu an kawh ve. Anih tu cu khuabawi thar kong a hmuh ning an hal biatu si dawh a si. Atu cu an pahnih tein him tein an kir ter ko hna.

An caah nan lungre a thei cio. Nan dawt hna ti a lang. CNA lei zong nih thil poi ton hlan ah ahlankan in ralrin dingmi thil an chimh cia hna cu dawtnak an ngeih caah a si ko tiah ka ruah.

Relchap-CDM Tuah Duh Lo Tu Kalaymyo District Education Office Bomb Ah Bomb A Puak
Tuni kawlram thawngpang vun rel cu a nuam ngai, a ruang cu Min Aung Hlaing caah thawngpang chia lawng te theih a si.

Kalaymyo Sanmyo sang ah um mi District Education Office kam ah zanlei suimilam 2 hrawng ah bomb a puak tiah theih a si.

District Education office rianttuan tu hna cu CDM ah an lut duh lo ruang ah kan hnung lei zong ah lung in cheh a rak tong bal cang caah kan hnunglei teah khan CCTV an tiang an rak bunh.

Sanmyo sang chung ah um mi Buchok road lam ah um pakhat nih a luancia mi suimilam ah khan bomb puah thawng cu thang taktak mi ka theih i kan inn tiang a tlirh dih tiah a chim.

Mah thawngpang a vun thang le cangka bak in rallokap lei nih a ran nak in rallokap motor 2 an rak thlah colh tiah a chim chih fawn. Tu tiang ahcun zeibantuk thilri dah a rawk ral tihmi theih khawh a si rih lo. Rf: Zalen