Fapa Pahra A Ngeih Hna Hnu Ah Fanu A Ngei Mi Nu

Alice tiah an auhmi nu pakhat cu fanu ngeih a duhtuk ko nain an neih khawh lo caah fanu kan ngeih hlan lo fa kan hring peng lai taih an ti i fapa pahra tiang an ngei i mah hnu hmanh ah cun lungdong duhlo in an fa cu an pawi tthan i a pahlei khatnak ah fanu duhnung taktak mi an ngei.

Mah thil a cannak hmun hi England ram ah khuasa mi Alice tiah an auhmi nu a si. A mah nu cu kan hnung kum christmas thlah ah khan nau an pawi tthan hi a si. A vawikhatnak ah cun fapa a si sual ngha maw tiah an ruat pah ko nain a tla a vun can deuh hnu in check up nak an tuah hnu in cun fanu te a si tiah an theih i an nuva cu an ni lawm ngai ngai.

Alice nih cun anni ruahlo tuk hnu ah fanu te an vun pawi caah aa lomhnak cu dailymail ah a chim phuan hi a si. Alice cu kum 22 a si ah hin fapa pakhat bik a ngei i, mah hnu ah kum 15 chung ah fapa pakua bak a an ngei tthan tiah theih a si. Fanu kan ngei kho ti ngha maw tiah lungdawng in an um lio ah fanu te an pawi tthan caah an ni lawmhnak cu tah khawh lo tiang a si.

Altrasound an ni tuahnak cu speed post in an rak kuat hna i cakuat an vun hmuh cu fapa hna a si sual ngha maw tiah thinphang in an um lio pi ah khin cakuat an vun awn cu fanu te nan pawi tihmi cakuat a rak si. Sibawite sin a vai piah lio ah hin cun sibawite nih fanu nak in cun fapa si khawh nak 50 ah sawmnga in a tam deuh tiah an rak chimh.

Sibawite nih fapa ngeih khawhnak can a tam deuh tiah an rak ti hna caah fapa ngei than ding um inan um cuahmah lio pi ah fanu te an vun pawi ah khin cun an ni lawmhnak cu zei he hmanh tahchuanh awk a ttha hrim hrim lo tiah dailymail tiang in a chimphuan nak a si. Alice nih cun fanu duhnung taktak mi cu a luancia mi August 27 ah khan an rak nei.