Fak Lo Tein Hling Chunh Mi Fawi Te I Chuah Ning

Tu I ka vun langhter ding mi hi cu Laitlang khuate ah nichiar lo lei rianttuan mi hna caah cun theih a herh taktak mi a si. Biatak te I lo kan vung thlawh ahcun kan kut/ kan ke ah hling tam tuk nih a rak chunh tawn.

Hling chunh khi zeimaw cu fawibai ah cawih chuak khawh lo mi tampi an um tawn. Mah ruangah cun rianttuan kho lo tiang in fahnak a kan pek khawh fawn caah zeitin dah hling nih akan chunh sual tik ah fak lo tein a kan chunhtu hling cu kan chuah khawh lai tihmi a tang ah hin pakhat hnu pakhat in ka rak langhter lai.

Pakhatnak: Hling chunh tik ah fawi taktak in le fak lo tein chuanh ning cang cu hling nih an chunhnak zawn kha sahphiat in thiang tein ttawl piak law mah hnu ah a kuai kho mi thlalang dur pakhat la law mah cucu mei ah em piak/ si lo le phazawngdan kha vang law a chung ah khumh law mah cun hling an chunh nak zawn kha duhsah te tat piak. Si lo le an chunhnak zawn ah kan a khu chuak lo ding in benh.

Pahnihnak: Reite/ Ser dangdang a si zawng ah a ngah thiam, a hang kha chuak lak in sur law mah cucu hling an chunhnak zawn ah khan puanchia he minute 15 chung hrawng tuam piak. Mah hnu cun fak lo tein na chuah khawh la.

Pathumnak: Aalu hmang in hling chunh mi fawi tein chuah ter ning cu, Aalu kha pan tein riam piak law mah nih cun hling an chunh nak zawn kha duhsah tein hnur/ tat piak law fawi tein na kut/ nake hling taap mi cu na chuah khawh la.

Palinnak: Banhla hmang in hling chunh fawi te chuah ning cu, banhla kha a lai in tan piak law mah cucu, hling an chunh nak zawn ah khan benh piak puan in tuam piak. Mah hnu minute tlawm pal ah fawi tein na chuah khawh la.

Panganak: Changreu ser nak soda hmang in hling chunh chuah ter ning Soda kha tikik nawn law hling an chunhnak zawn ah khan benh law nikhat suimilam 24 hnu ah phawih law an chunh tu hling cu a rak pawt lai.

Paruknak: Khuaihliti hmang in hling chunh mi chuahter ning cu, hling an chunhnak zawn ah khan thuh piak law cun tuam piak. Mah hnu cun fak lo tein na chuah khawh la.

Parasihnak: Pungmoh le cawhnuk hmang in hling chunh mi chuahter ning cu Pawngmoh/changreu kha cawhnuk ah ciah piak law mah cucu hling an chunh nak ah khan benh piak law tuam piak, cun fawi tein an chunhtu hling cu na chuah khawh la.