Evan Rualuk Nih Oneness Hna Nih Thiangthlarau An Pom Ning Le Bible Nih Thiangthlarau Kong A Chim Ning Ai khat lo Tihmi kong Ah J. Zo Ram Thang Nih Lehnak A Tuah Mi

ONENESS HNA NIH THIANG THLARAU AN POM NING LE BAIBAL NIH THIANG THLARAU KONG A CHIM NING AI KHAT LO.

Evan Rual Uk: Ral Dohnak Thazang Pemi Pastor Le Evan Cu An Piangthar Lo - Laiholh

Oneness hna nih cun Thiang Thlarau hi “Mi” (Person) si loin “Thil” (Thing) pakhat khat, huham le țhawnnâk a ngeimi thlitu, mei le ti bangin an pom.

Zeicatiah “Mi” (Person) bangin an pom ah cun Pathian pakhat ah Mi pakhat tiah an zumhnâk ‘Oneness’ kha a hrawh lai caah Thiang Thlarau cu “Mi” bangin an pom lo i thli le ti le mei nih fak tak tak in rian a țuan khawh bangin Thiang Thlarau cu thilhtikhawhnâk (power) asiloah țhawnnâk a ngei taktak mi thil (thing) pakhat bangin an pom.

Rev. Dr. Rual Uk || Pathian Hngalh Part 5 {Full HD} - YouTube

Asinain Baibal nih cun Thiang Thlarau hi “Mi” (Person) sinâk a ngeimi bangin a cawnpiak. Zeitintiah:- ThiangThlarau cu “Mi” (Person) a si caah Pathian Biatak kha a kan cawnpiak khawh. Johan 14:26. 15:26. 16:13

Thiang Thlarau cu “Mi” (Person) a si caah zûmtu caah thla a kan campiak khawh. Rom.8:26. Thiang Thlarau cu “Mi” (Person) a si caah Pathian fa kan si kha a kan hngalhter khawh. Rom. 8:16. Thiang Thlarau cu “Mi” (Person) a si caah a ngaih chiatter khawh a si. Efesa 4:30.

Rev. Dr. Rual Uk - Krih Vailam i Misual Khamhnak | Crusade Zan Hleilinak - YouTube

Cucaah Thiang Thlarau cu thil (thing) pakhat khat, rian a țuan kho tak tak mi mei, ti le thlitu bantuk men men si loin, Pathian pakhat ah “Mi” pathum lak ah “Mi” pakhat a si. Rian a țuanning tu kha Mei (Mathai 3:11 Lam. 2:3 le Ti Johan 7:37-39 le Thlitu Johan 3:8.Lam 2:2 ah tahchunh a si.

Cuticun atu ah zûmtu kan chungah a ummi Thiang Thlarau hi “Mi” a si IKor 3:16. 6:19. Atu ah van ah a um i Pa sinah a kan Nawlpiak zungzaltu, zungzal kan Tlângbawi Jesuh Khrih zong “Mi” a si Rom. 8:34. Hebru 7:25, 1Johan 2:1.

Kan Tlângbawi ngan bik Jesuh nih zûmtu a kan nawlpiak nâk hmun Pa zong “Mi” a si. Ni khat khat ah “Mi” a simi Fapa Jesuh nih “Mi” a simi Pa Pathian sinah Pennâk kha a chanh țhan te lai. 1Korin 15:24.

Cucaah Pa zong “Mi” (Person) a si i Fapa zong “Mi” (Person) a si i Thiang Thlarau zong “Mi” (Person) a si. Cu “Mi” pathum komh, Thumkomh (Trinity) cu “Pathian pakhat” timi cu a si. 1Johan 5:7.Baibal Cathiang, Kawl Baibal le KJV le NKJV zoh.

J. Zo Ram Thang nih Rualuk a leh nak: Mipathum Rual Uk, Christian nih Pathian kan zumhning kong kau ah Oneness (or) U P C zumhnak hi, catial in doh na duh ahcun, pumpak in kan hal hmasa law, na chuahsual mi zong a tlawm deuh lai tiah ruahnak cheuh kan duh ko. U P C nih Thiang Thlarau kan zumhning le kan pomning hi, thlacam bu te he rak rel mu. Pathian taktak cu pakhat lawnglawng asi i, Mi asi.

Cu Mi asimi Pathian pakhat nih kokek tampi a ngeih i, a dantlangpi vuak cun, Zeizong vialte serchuak tu Pa kokek le Zeizong vialte a sernak Bia kokek le Amah cu a Thiang i Thlarau asi bangin, Thiang Thlarau kokek, hna hi an si.

Mi asi mi Pathian pakhat nih a kokek pathum hna hmang in, vui voikhat, cân cânkhat le hmun hmunkhat ah Mi pathum (bantuk) in le Pathian pathum (bantuk) in â phuang mi asi tiah a zummi kan si. Bantuk timi cu asi taktak lomi ah hmanmi biafang asi.

Note: : Pathian kong na hrilhfiah tik ah Bible Pathian pakhat hrambunh lo in, Kumzabu 3 hrawnghrang lio i, RCM Denomination nih an fehter mi, mipakhat ruahnak in a semmi Trinity zumhning hram na bumh lengmang ah cun, Bible Pathian Pakhat taktak hi na nganh leng mang ko lai.

(Hell na kal sual ahcun, hell tiang a țhelh ding phun khi na si) Pathian cu Mi asi ahcun, automatic in Mi cu Pathian asi phawt ve tinak si caah, Pathian sinak ah pakhat, Mi sinak ah pathum ti ah mah le mah i hleng in zumh te hna hi hruh hman ah molhkemh dahkaw si.

Pa le Fapa le Thiang Thlarau cu pumpak in zaahza Mi sinak an ngei bang in, Mi pathum(bak) an si kan ti ah cun, automatic bak in Pathian pathum (bak) an si ti he â dangnak hi samzai tiate hmanh a um lo tinak si cu. (Nan fian ko ti.)