EU i a Chunmang i Hrawm Kho ve dingin EU nih Ukraine a Dirkamh

Friday ah khan Ukraine le a raminnpa Moldova cu EU chungtel sikhawhnak lam EU nih an serpiak cang hna. Russia nih Ukraine a luhhnawh ruangah a tu bantukin karhlannak an tuah hi a si, tiah theih a si.

May be an image of 4 people, people sitting and people standing

EU nih a dirpimi thil caah cun Ukrain pawl hi thih zong an ngamh cang” tiin EU Commision President Ursula von der Leyen nih Ukraine flag rong angkyi hruk bu tein a chim.

“EU i kan chunmang Ukraine nih i hrawm ve seh, ti hi kan duhmi a si,” tiin a chim. Chungtel tling sikhawhnak dingah cun kum tampi a rau kho rih mi a si ko nain, cuhlan nakin chungtel sikhawhnak lam Ukraine nih a naih deuh cang, ti cu a fiang cang ko.

May be an image of 4 people, people sitting and people standing

February i Russia nih a ralkap pawl Ukraine ah a burh in a burh hna nili hnu ah Ukraine nih EU chungtel si kho dingin a sok colh ve. Anmah an sok hnu nili hnu ah, Moldova le Georgia nih an sok colh ve. An ram hnih hin Soviet ram thing an si i, nihin tiangah an ram ah Russia a tanhtu miphun an umnak ram a si.

“EU chungtel sikhawhnak lampi cung kan phakmi nih hin tutan ral teinak lam a kan naihter deuh, ti a langhter. Cucaah EU President le members pawl nan cungah kai lawm hringhran,” tiin President Zelensky nih a lunglomhnak a langhter.

May be an image of 4 people, people sitting and people standing

Putin nih Ukraine a luhhnawhnak a ruang pakhat a si mi cu, Western ram pawl nih an kiangkap ah hmunhma an lak chinchin caah, cu ti hmunhma an lak mi nih cun Russia himnak a hnursuan, tiin a ruah caah a si.

Asinain, minung a thong a sang in a thatmi, khuapi tampi a ningpi in a hrawktu, minung million tamtuk ralzam dirhmun a phaktertu hna ral cu muisam dangpi a keng diam ai. Finland le Sweden nih NATO ah luh an sok, EU ram pawl nih nichualei ram tiangin kutsamh in a don hna.

May be an image of 4 people, people sitting and people standing

Ukraine an dirkamhnak kong le an chungtel si kho dingin hmaizarh ah khin EU hruaitu hna nih biachahnak an tuah te lai, tiah theih a si. Romania President telhchih in, EU ram vialte lakah ram nganbik pathum a si mi Germany, France le Italy hna an hruaitu pawl cu Thursday ah khan Kyiv lei ah an vung tlawng.

Cu ti an lawnmi ko nih cun Ukraine an dirkamhnak le cohlannak kong tehte an khan bantuk a si. “Ukraine hi EU chungkhar a si” tiah Zelensky he an i ton hnu ah Germany hruaitu Olaf Scholz nih a chim.

May be an image of 4 people, people sitting and people standing

A ram Moldova le a mipi hna nih EU chungtel si an duhmi kongah Moldova President Maia Sandu zong ai lunghmuih ngaingai i, kan ram kan thlen khawhnak hnga, ka cozah hi biatak tein riantuan ai zuam lai, tiin a chim.

EU chungtel sikhawhnak dingah cun kum tampi caan la in ram chung remhsiamnak tuah hmasa ta a hau – EU phung cauk chung i dal 35 tluk tam ah ai tial dih mi a si. Judicial policy thokin chawva lei riantuannak in tirawl i huhlumhnak kongah zulh le tlinh dingmi dot tampi an um. Nor hi chungtel si dingin biakamh a si cang. Asinain 1999 tein EU chungtel sikhawhnak lam onhpiak a si cangmi Turkey he kum tampi chung i chawnbia kho lo in an um.

May be an image of 4 people, people sitting and people standing

Asinain, EU nih khahlan Soveit Union ram pawl cu ai hmaithlak hna i, 1990 hrawng khan cun Eastern Europe ah a ummi khahlan Communist ram pawl sin tiang ai hmaithlak hna, tiah theih a si.

Ukraine pawl an ral a that ruangah hin, EU nih zalonnak tuanbia thar a ser khawh cang lai i, cu in cun EU le Russia karah a ummi Eastern Europe hmunhma tihnung vialte cu an phelhral khawh cang lai, tinak a si, tiin Zelensky nih a chim.

Ti ko lo cu, Ukraine hi EU ram vialte lak ah hmunhma in cu an nganbikmi le milu a tambik pangannak a si te lai. Asinain, tutan i EU chungtel si a soktu ramthum hna hi cu EU chungtel ram vialte sinah cun a sifakbik an si. EU chungtel lakah a sifakbikmi Bulgaria i a GDP i a hnarcheu hmanh an zat rih lo, tiah theih a si.

An ram thum ning hin an poltics a tluanglam lo, ramchung buainak a um peng, sualnak a tam i, Russia ralkap nih an kilvenmi Russia tanhtu miphun ai ngeih cio i cu hna he a buai zungzal mi ram an si.

Asinain, kum 44 lawng a si rih mi Zelensky le kum 50 lawng a si rih mi Sandu bantuk an hruaitu hna hi Western ram a tanhtu an si. Soviet Union chan ai thanpi mi an si veve lo.

Ukraine le Moldova hi cu EU Commission nih an uar ngai ko hna nain, a buaibai pengmi Georgia belte cu tlawmte an belnen deuh. “Georgia nih a tuahmi nawlnak hi a thawng ngai ko, asinain politics kongah a rammi an i funtom deuh a hau lai,” tiin Von der Leyen nih a chim.

Sievierodonetsk ah Ukraine ralkap tan an la tialmal ko rih hna March lio i Kyiv doh a timtu Russia ralkap tampi hna cu Ukraine ram chungah thalo in an sung. Cu ti an sungh hnu cu nichuahlei tu ah an i mer than.

Thla 4 chung a kal cangmi ralpi cu tuar a har chinchin ko cang. Ukraine khuapi pawl luhhnawh duh ruang ko ah cun Russia ralkap nih heh tiah lampi chuanthluak in miakpi an kah thlorh in an kah hna.

“Kan ralkap cheukhat pawl cu Sievierodonetsk ah tan an la tialmal ko rih hna. Chemical sehzung ah ai erhmi mipi 500 an ummi. Kan chanh kho rih hna lo,” tiin pengukbawi Gadai nih a chim.

Donbas pengkulh i a hnarcheu hrawng hi cu Russia a tanhtu Ukraine miphun (a peumi pawl) hna caah Russia nih a halhpiak cang hna i, Ukraine ralkap pawl nih varal lei in thanhmun an lak ve.

Hmangsom bangin ai sommi Marinka khuate cu ral hauka bak a si ko nain, Ukraine palik pawl an vung lut i, bomhchanh a haumi paoh an va bomh hna. Tar rual tete cu phazawngdan (candle) mei an rak i van i ihphah cungah an rak ril kho hna.

“Hika hin hmunhma a lawng ko rih dawkaw. Na vun i fonh kho ko hih,” tiin palik pawl a vung luh le cangka tar pakhat nih a rak capo len. “Khoika kalnak hmanh kan ngei ti lo. Inn le lo vialte an kang dih cikcek. Khawzei lei cu hme kan panh kun ne hnga?” tiin mui padap lak ah i dapphiak lengmang bu in tarnu Nina nih a chim.

Chaklei belte ah cun Ukraine nih a nawr ngai hna. Tutan ral hnu i Russia nih an lakmi hmunhma vialte lakah a nganbikmi hmunhma lei tiang lam kan sial khawh cang, tiin Ukraine lei nih an chim. Cuka ral haukau boruak kong belte cu tam in chim a um rih lo.

Snake Island hi Black Sea ah a ummi a si i, Russia nih an lak cangmi hmunhma a si. Cu ka lei panh in a kalmi Russia rakap, riamnam le zenkuan a phurmi tilawng cu Western ram nih tilawng kahnak missile an kan pekmi in pil ko in kan kah, tiah Ukraine nih an chim. Crd: Chelsea Bawi