Egypt ram muslim tlangval he thitumhnak atuah cang dingmi vawleicung mirumbik Bill Gates fanu

Bill Gates fanu Jennifer le Egypt ram mirum pakhat asimi le rang citthiam Nayel Nassar hna nihcun hamnak antuah cang tiah theih asi. Kum 23 asimi Jennifer cu vawleicung mirum bik hna lakah a pathum nak dirhmun a phantu Bill Gates fanu asi. Kum li chung an izulhkhalh hnuah thitumhnak an tuah cang ding nak konglam cu Instagram hmangin arak tarlangh hi asi.

An pahnih hna karlak ah anuamh lio bik can pakhat cu dawttu nih thitum dingin sawmnak atuah lio can kha asi tiah theih asi. Kan mah pahnih vawlei sercang dingcu ka nghahhlangtuk cang tiah Jennifer nihcun arak langhter chih.  Kum 28 upa asimi Nassar zong nihcun keimah cu vawleicungah mivanthabik (lawmhnak a co biktu) ka si tiah arak langhter ve.

Jennifer cu Stanford University ah biology in graduate mi asi pinah silei a cawng lio tiah theih asi. Mahlio ah hin Nassar zongcu Stanford University ah fimnak a rak cawngmi asii commerce in a graduate mi asive. Cun amah cun rang citthiam minthang pakhat zong asi tiah theih asi.

Mahlio can ah hin cheukhat hna nihcun Bill Gates fanu Jennifer Katherine Gates nihcun muslim tlangval angeih canglai tiah athangchiat nak leiin arak chimtu zong an um ve. Dawtnak kan timi nihcun vamping chahpi tiang a pah theu tawn nain biaknak dang he thitumhnak tuah ding tiangin cun Krihfa mi hungsi hi cu amak ngai tak ko.