Easter Sunday Hmang Ding In A Kal Mi Khirhfa Unau Minung Pali Meithal In An Kah I An Thi

Kan vawleicung thawngpang ngai hi aw ruah lengmang ah hin ngaihchia taktak khi kan si cang. Hi tluk coronavirus zawtnak ruangah vawleicung mipi lungrethei i kan um lio ah Easter Sunday hmang ding i a kal mi Khrihfa mi unau rual miung pali hna cu meithal in an kah hna i an pali ning tein an thi.

Kan vawleipi lungfimlo in a kan tuahtu coronavirus nihcun nikhat hnu nikhat in vawleicung mipi kan nunnak aka lak cuahmah lio ah Pakistan, Punjab Province, Sheikhupura, District, Quatta khua ah Khrihfa unau rual hna cu tuni kan Biawpa thawhthan (Easter Sunday) hmang ding in akal mi cu meithal in ahkah hna i an thi tiah Gospelherald.com nih a chim.

Mah hna unau rual a kaptu hna hi terrorist minung pahnih meithal aiken mi hna nih cun Rickshaw i an kal cuahmah lio ahcun an rak kap mi hna an si tiah theih a si. Hi konglam cu Morning Star Nwes nihcun a chim. Covid-19 zawtnak ruang ah Khrihfa mi tampi cu pumh khomhnak ngei kholo in lungrethei taktak i kan um lio ah hi bantuk in Khrih ah kan unau a si mi hna thah le nawn an vun tawn hi a bawi ti hlei in cun chim awk a um ti lo.

An ruak cu an dihlak tein thaizing ah vuinak ngeih piak an si te lai tiah theih a si. Hi tluk kan vawleipi coronavirus zawtnak ruangah lungrethei i kan um lio caan hna i kan khrihfa hawi hna hi bantuk thahnawn anrak tawnmi cu ruah ah lung a ttha hrimhrim lo. Thlazacamnak in biatak tein bomhchanh ah herh lio caan te an si caah kan umnak hmun cio in thlacam in bom cio hna usih.