Dragon Fruit ( Dragon Thei) Tthat Nak Phun-4

A min hrimhrim hi mak kho tuk eh! Dragon fruit ah khin vitamine phun tampi a um caah minung kan ngandamnak caah a ttha taktak mi thei phun khat asi. Mi tampi cu zei bantuk thei khi dah kan ngandamnak caah ttha tihmi nak cun kan mah nih kan duh deuh mi le thaw kan tihmi khi tam deuh kan ei piak tawn.

Mi tampi nih cun Dragon fruit khi a man fah lawng hmanh si lo in nal zekzuk in a um caah an ei duh lem lo. Hmanh sehlaw a thaw lo ti men ruang ah khan rak ei duh lo in kan rak um awk hrimhrim a si lo. Dragon fruit thei na ei nak thawng in na hmai-vun kha khuaruahhar in a no ter khawh.

Dragon fruit khi minung kan tivun dawh tertu ding cah company nih an ser mi skin care phunphun nak hmanh khin a ttha deuh. Hmai arsik tam tuk mi ca lebang ahcun a ttha lawlaw bak khi asi. Na ei piak lawng hmanh si lo in na hmai ah na thuh piak khawh.

Cun a hang in na duh ahcun na din piak khawh, na duh ahcun na hmai ah khan na thuh piak khawh fawn. Dragon fruit na ei piak nak thawng in le nai thuh nak thawng in na hmai-vun sawng ding vialte kha sawng lo ding in an ven piak khawh.

Cu lawng hlah nisa/ nilin ah sau tuk na vah ruangah na hmai nisa nih an lak dih ahcun Dragon fuit kha phel law na hmai ah thuh piak. Cun Dragon fruit khi lungthur he zawng na duh ahcun cawh i hmai le nghawng hrawng ah thuh khawh a si.

Dragon fruit ah khin tidat (water) khi 80% tluk hrawng a um chih caah minung kan ngandamnak caah a tthat khunnak a si. A mah to ti men ruangah khan ei duh lo in rak um bak hlah. Compay ser mi skin care man tampi cawk nak cun mah thei hi rak ei/ rak i thuh deuh.

Relchap- Zan ih Lai Teah Khuailhiti Din Piak a Tthat Ning Nai Fiang Cang Maw? Zan ih lai paoh ah khuaihliti keu khat lengmang I din piak khi zeitluk in dah a tthat tihmi naifiang ve cang maw? Mi tampi nihcun khuaihliti khi a thlum ruangah ka vawi khat tampi hna in kan ei piak men tawn.

Tuah cun khuapi um mi hna caah cun zeitik caan paoh ah khuaihliti cawk awk a um zungzal. Hi tluk in cawk aawk a tampi ko lio ah minung kan ngandamnak caah zeitluk tiang khi dah thil ttha a chuahpi tihmi kan I fiang lo caah kan hawt caan ah kan ei ei men tawn.

Khuaihliti khi zan na ih lai teah keu khat lengmang din piak khi zeitluk in dah a rak tthat tihmi nai fiang ko la. Mah caah cun zan na ih lai paoh ah khin keu khat lengmang in ei piak khawh I zuam hmanh naa ngaih chih bak lai lo.

Zan ai nghilh kho lo mi hna nasi ve sual ah cun na ih lai teah khin khuaihliti keu khat le tilum keu khat kha cawh law din piak law mitku thaw taktak in nai nghilh kho la. Khuaihliti ah khin tryptophan, amino acid a um caah zan ai nghilh kho lo mi hna caah a tthat khunnak asi.

Zan ih lai khuaihliti na din piak nak thawng in thikai zawtnak, lungtur zawtnak lak in na luat hrimhrim lai. Kan theih dih cio bang in thikai zawtnak le lungtur zawtnak cu ruah bak lo in thih khawhnak zawtnak ttihnung a si.

Khuaihliti na dih piak nak nih zei bantuk zawtnak ttha lo dah a kilven khawh rih ti ahcun kan pumsa chung ah thau tam tuk chuak ding mi kha a kilven khawh. Cu lawng hlah cumpi, hritlang tuk ruangah zan nghilh kho lo tiang in a um mi hna ca hrim ahcun a ttha taktak.

Zan ih lai khuaihliti din piak nak nih zei minung nih kan hmuh khawh lo mi kan pum chung I zawtnak chuak ding pawl kha fawi tein akan kilven piak khawh fawn. Zei caah dah a tthat rih ti ahcun na hmai ah arsik um ding mi le na hmai duk nih an tlak ding mi tiang khin a kilven khawh.