Dothlennak Kan Tuah Caan A Sau Tuk Cang Tiah Na Lung Dong Sual Maw?

Dohthlennak kan tuah caan a sau tuk cang tiah na lung dong sual maw? Pathian nih khi ni khi caan tiang tiah ri a kan kiah piak cia ko ta kaw. Sui ngun chawva tamtuk na pek cang ruang ah na tha a ba tuk sual maw?

Pekchan nak pin lei ah khin thluachuah tampi a um. Kan khua kan ram a rawk tuk cang tiah, na lung rawk tuk sual maw? Rawhral nak pin lei ah khin, eden dum nuam a um. Kan ram dohthlennak ruang ah tap ai hram in le ngaihchia in na um maw?

Ngaihchiatnak pin lei ah khin, lungdaih hna ngamnak a um. Nan tha batnak, nan ngaihchiat nak le nan lung rawh nak vial te kha Pathian sin ah chan law, Pathian nih lungdeih hnangam nak le lungthawn nak kha an pek lai.

Čšap ti hlah uh, Nan mitthli luan lai kan i siang hna lo ca cun pei kan thi sen a luan fawn cu, Hum him tein nan um khawhnak hna ca cun pei Kan nun nak kan thap fawm cu.

Lungdai tein nan i hngilh khawhnak hna ca cun pei Ni linh, ruahsur tuar in thlenhripi he tlang za kan cul fawm cu. Zungzal in khua a mui lai lo. Zing ni ceu dawh a chuak than lai. Lungkil in tei rial rih ko uh law, Ni khat khat cu a phu tuk kan ti caan a phan te ko lai e. Crd: Salai Peter Sui Hnin

Leave a Reply

Your email address will not be published.