Delhi Chinmi Nih Kan Iralrin Ngai Hau Mi

Nizan India ram chungah a cangmi thil. India ram UP Utter Pradesh, Mathura khua ah a cangmi thil a si.

Kum 30 upa a si mi pa nih kum 10 te lawng a si rih mi nute cu a tlaihrem hnu ah a thahbeh tiin social media nih an tarlang. Hi thil cang hi Utter Pradesh, Mathura khua ah a cangmi thil a si i, kum 30 upa pakhat nihhin an inn pawng nute kum 10 lawng a si mi nute cu a inn ah kalpi i, a tlaihrem hnu ah a thahbeh i, a ruak cu ramlak ah a hlawn tiin Mathura palik nih social media ah an chim i, news nih an ttial ningin cun misual pa hi ni 57 chungah thidan pek a si lai ttin an ttial.

India ram khua lapi New Delhi chung ahhin Myanamar ralzaam thong 5 in 10 kar cu kan um men lai i, a bik in inn chungkhar nu le pa hi kan fa le caah kan iralrin deuh ahau ko.

National Crime Records Bureau (NCRB) nih report a tuah ningin cun kumkhat chungah India ram chung ahhin Rape case hi mining 31677 hi rape case record registered an tuah i, percentage in an tuah ningin cun, nikhat ah 86 hi India ram chungah rape case record ℅ an tuah ning a si.

Mi khua mi ram ah kan um tik ahhin kan duh lo duh lo zawngah kan fa le fim cawnnak lei ah chiah lo awk a ttha lo caah ka fanu fapa nihhin zeitindah a fim cawnnak lei zawngah khua a sa timi le pawngkam an I chawk veinak ah zeitindah khua a sa timi nu le pa nih ttha tein kan zohken thiam ngai hna an hau. Crd: BKB