Dawei Ah Bomb Chuahsual Ruang Ah PDF Pakhat A Nunnak A Liam

Tanintharyi ramthen, Dawei peng chungah dotlhennak ralkap phu pakhat a si mi Dawei mizapi vengtu ralkap phu DGRF in ralkap pakhat cu bomb chuahsual ruang ah a nunnak aliam tiah DGRF nih cathanh an chuah.

Tamu Peng Panta Khua Kahdohnak Ah SAC Ralkap 25 An Thi!+ AA Nih SAC Ralbawi An Tlaih! - The Chin Post

Kum 36 a si mi DGRF ralkap bomb lei tuanvo ngei ralkap Ko Myo cu a luancia June 18 ah bomb an hneksak nak ah an chuahsual i a nunnak a liam hi a si.

A nunnak liam mi ralkap Ko Myo cu ram caah paral tha a si i PDF ralkap hna an duhning in Repeat the order kan chuah lai lo i dotlhennak a dih hnu ah kan chuah te lai tiah DGRF nih an thanh.

May be an image of 5 people, people standing and outdoors

Relchap- Hlaingthaya Sanguk Bawi Kah A Si Hnu In Mino 4 Tlaih An Tong Hlaingthaya Sanguk Bawi Kah A Si Hnu In Mino 4 Tlaih An Tong!:

Yangon ramṭhen Hlaingthaya peng, No. 9 sang sangukbawi U Maung Maung Tan(ဉီးမောင်မောင်သန်း) cu June 22 zinglei Sml 10 fai ah aho si theih lo mi nih meithal in an kah hnu ah, SAC ralkp nih lam aa chok mi mino 4 an tlaih hna, tiah sangchung mi hna nih an chim.

U Maung Maung Tan hi SAC nih khuabawi rian an khinh mi a si i, khuabawi zung in a ṭin lei ah kah a si, a thih le thih lo cu fiang in theih a si lo.

“U Maung Maung Tan cu pa pahnih cycle aa citmi nih an kah tkawmpal SAC ralkap an ra i mawṭaw in an kalpi. Lamtonnak lei in a ra mi cycle 2 an dirter i, mino 4 an tlaih hna. Sangukbawi pa cu a thih le thih lo theih a si lo,” tiah tualchung mi pakhat nih a chim.

Tlaih a tong mi hna cu kum 20 tluk a si mi nu pakhat le pa 3 an si i, khoika an kalpi hna theih a si rih lo, tiah an chim chap. Sangukbawi kah a si hnu ah SAC ralkap nih lam an phih i cu thil a cannak pawngkam inn le dawr hna ah chekhlatnak an tuah, tiah theih a si.

U Maung Maung Tan hi kum 40 fai a si i sangukbawi a ṭuannak thla 5 a si cang, tiah theih a si. Sangchung ah khualtlung cazin a chek i ngunkhuai a khawlh tawn hna lengah mitlerhkhonh a hmang, tiah tualchung mi sin in theih a si. A kaptu hi zei bantuk phu an si theih a si rih lo. Crd: The Chin Post