Covid-19 zawtnak ruangah hitluk lungrethei I kan um lio ah sualnak ngeilo Khrihfa mi 50 thah an si

Kan vawleicung thawngpang ngai hi aw ruah lengmang ah hin ngaihchia taktak khi kan si cang. Hi tluk coronavirus zawtnak ruangah vawleicung mipi lungrethei i kan um lio ah West African ram ahcun Khrihfa mi minung 50 thah an tawng. Covid-19 zawtnak in kanthi sual lai ti phan ruangah lenghmanh chuak ngamlo in cozah nih Lockdown tuah dih a si.

Kan vawleipi lungfimlo in a kan tuahtu coronavirus nihcun nikhat hnu nikhat in vawleicung mipi kan nunnak aka lak cuahmah lio ah West African, Nigerai, Brnue state, Guma i khrihfa mi minung 50 cu radical Fulani herdsmen hna nih zohchiah taktak in an thah hna tiah theih a si.

Khrihfa mi minung 50 thah an sinak konglam cu Nigeriaa civil society organization hna nihcun anchim leng ah an hmanthlak he an langhter hi a si. Nu pathum hna cu, an tlaihhrem hna hnu ahan chiattha hna ah khin zohchia taktak in antuahhmuah hna hnu ah Anambra-based International Society for Civil Liberties and Rule of Law (Intersociety) nihcun an chim.

An ruak cu an dihlak tein hmunkhat teah vuinak an ngeih piak hna tiah theih a si. Hi tluk kan vawleipi coronavirus zawtnak ruangah lungrethei emem i kan um lio caan hna i kan khrihfa hawi minung hi zahzah thahnawn anrak tawnmi cu ruah ah lung a ttha hrimhrim lo. Thlazacamnak in biatak tein bomhchanh ah herh lio caan te an si caah kan umnak hmun cio in thlacam in bom cio hna usih.