Covid-19 Zawtnak In Cun Muidawh, Mirum, Mitthawng Hmanh An Luat Kho Hlei Lo

Kan vawleipi lungrethei le lungfim lo in akan tuah tu Covid-19 pulral zawtnak cu thiang lei panh cu chim lo ram cheukhat ahcun a zual chin lengmang. India ahcun a voi hnih nak Covid-19 pulrai ruangah nikhat ah minung thong thum reng lo an thi i, minung ting thum reng lo zawtnak thar hmuh a si.

May be an image of one or more people, people standing and outdoors

Mah lawng hmanh si lo in kan unau Mizo ram zong ah a voi hnihnak Covid-19 zawtnak nih a den cuahmah tthan hna caah ni chiar te in minung tampi zawtnak thar an hmuh. Cun mino tete tisa a tthawng si ling mi zong ah Covid zawtnak ruang ah an thi lengmang.

April 30 tuni ah Nungak Lalruatkimi Aiawl ramhlun sang mi cu Surat, Gujarat ah Covid-19 pulrai ruang ah a nunnak a liam tthan tiah theih a si. Mizo ram biatak te i Covid nih a vun den tthan hna nak a ruang cu kalaram in Mizo ram ah a tlung kal mi hna ruang ah a si.

Mizo ram cu Covid-19 zawtnak lak in kan thiang dengmang cang tiah hna ngam taktak i an um lio ah ruah bak lo in a voi hnih Covid-19 pulrai nih a phanh tthan hna caah tu hi lungrethei vansang au in an um lio pi a si.

Mizei paoh Covid-19 zawtnak in i ralring cio ko hna u sih, ka ttih lo tiah daithlang in ho hmanh um bak hna hlah u sih. Nangmah pakhat ruang ah khan na chungkhar, Na miphun hawi, na khrihfabuu nih mah zawtnak ruang ah harnak chung ah na luhpi khawh hna ti kha philh hrimhrim hlah.

 

You cannot copy content of this page