Covid-19 ruangah hitluk lungrethei I um lio ah Shan State Nam San ahmat (9) ah thlichia ahrang i inn tampi an rawk

Kan vawleicung thawngpang ngai hi ruah lengmang ah lungdong taktak kan si cang. Nichiar tein thawngpang ttha theih awk a um kho ti lo, thihnak thawngpang, accidentnak thawngpang, lainawnnak thawngpang le kahdohnak thawngpang in akhat dih cang.

Covid-19 ruang hitluk vawleipi lungrethei in a um cuahmah lioah Shan State thlanglei kam Nam San ahmat (9) khaute hrawng cu thlichia nih faktuk in a tthuat hna caah inn tampi an rawk. Thlichia a hrang hi tunai te suimilam 3:30pm hrawng ah khan a si tiah theih a si.

Nam San myo inn 100 leng umnak ahmat (9) hrawnghrang cu faktuk in ahrang ruang cheu thum cheu hnih tluk hrawng cu an inn a rawk dih tiah theih a si. Thingkung tiang tamtuk a tlu tiah nawlngeitu lei nihcun an chim. Hmanh sehlaw vantthat ah minung ai hliammi le a thi mi cu an um lo.

Minung thi cu an um lo nain Nam San myo ahmat (9) hrawng cu an khu ning tiawk in an inn a rawk dih tiah U Nay Zaw Nain nih cun a chim. Nam San myo hi zinglei ahcun ni alinsa taktak ko nain zanlei sangah ruahlopi khin thlichia nih arak den hna hi asi.

Mah thlichia hrangmi ruang ah hin Shan State, Nam San myo ah khuasa mi Yangon United Nation bawlung chuih thiam minthang Kaw Zin Oo inn zawng a rawk chih ve tiah theih asi. Kan vawleicung thawngpang hi ah chia chin lengmang hna ngam lungdai tein um awk kan ttha hrim ti lo.