Covid-19 Pulrai ttihnung dohtu sibawi hna sin ah lomhnak bia a chimtu Thet Mon Myint

Tuchunni tiang kawlram chungah a konglam chim a daikho ballo tu mintami lak ah hlawtawk ttha baklo mi cu Thet Mon Myint hi a si. Kan theih dih cio bang Thet Mon Myint cu kan Lai miphun hnarcheu a si ve mi a si caah kan miphun nih philh awk a ttha hrimhrim lo. Tulio kan vawleipi abuaiter dihtu covid-19 kong he pehtlaiin Thet Mon Myint zawng dai tein a um kho hrim lo.

Vawleicung ram tampi ahcun covid-19 pulrai ttihnung ruangah minung tam tuk an nunnak a liam cang i, minung tam tuk nikhat hnu nikhat in zawtnak ngeitu an karh chin lengmang. Mah caah cun damlo zohkhenhtu sibawi le nurse tiang hmanh an luat khawh hlei lo caah minung tampi an nunnak a liam. Mah caah cun sibawi cheu khat le nurse cheukhat hna cu an rian ttuan ngam tilo in a zamtak mi zawng ram cheukhat ahcun an um pah lengmang cang.

Cu tluk ttihnung mi pulrai doh ding in nunnak tiang thap in kawl sibawi le nurse tampi cu an mah inn lum te hmanh ah um kho lo in ram le miphun caah tiin an cawlcang tuah mah hna. Miphun le ram caah nunnak thap bak in aipe mi hna sibawi le nurse hna an cawlcanh ning nihcun Thet Mon Myint cu dai tein a tthitter khawh lo caah ram le miphun caah nunnak thap in rian a ttuantu sibawi le nurse hna sin ahcun lomhnak bia a chim.

Kan damlo caang ahcun mah chungchuak fale hmanh naih khawh hmanh a si lo zia cu nunnak thap in miphun le ram caah rian a ttuantu sibawi le nurse te nih zeitluk in a har tihmi nan theih cem lai tiah a chim. Cu bantuk zawt fahnak ttihung cu an cung ah a tlung kho cio ko ti an theih ko nabuin miphun le ram caah nunnak thap in aipumpe mi sibawi le nurse hna sin ahcun lomhnak bia chimlo in a um khawh lo caah tu bantuk in Thet Mon Myint nih lomhnak bia a chimphuan nak a si.

Thet Mon Myint nih cun amah dawtu mipi hna sin ahcun covid-19 pulrai ttihnung lak in an luat khawhnak ding caah pumpak cio kan thazang tthawnter cio hna u sih tiah forhfialnak bia cu march 30 zanlei suimilam 5:00pm ah khan a facebook cahmai ah tu bantuk forhfialnak bia a rak ttial hi a si. A chim tthan rihmi cu covid-19 pulrai ttihnung ruangah a nuhpingngia tama pawl zawng zatka i thla kho lo in mah le inn teah kan i din dih cio cu zapi theih dih mi a si tiah alanghter chih fawn. Covid-19 pulrai ttihnung in minung 14 tiang a tlunh hnawh cang hna caah sizung lei rianttuantu le mipi kan zapi tein ralrin taktak in kan um a hau cang tiah interview an tuahnak a chim.