Covid-19 Ka Nei Ko Lai Tiah Nai Ruah Ah Cun Fawi Tak Tak In I Thlopbul Ning

Vawleicung pumpi lungrethei in akan tuah dihtu Coronavirus zawtnak cu tuchunni tiang a thiang khawh hlei lo caah ni chiar tein minung a tingting in zawtnak an kai i, a thongthong in an nunnak a liam fawn. Ram cheukhat ahcun zawtnak a thiang deuh an ti tlawmpal ah zawtnak bia tak tein a karh tthan caah lockdown tiang a tuah tthan mi ram tampi an um tthan.

Mah le si khawh tawk cio cun zawtnak lak in kan luat khawh nak ding ah i kilven cio a si. Hmanh sehlaw a caan a sau tuk cang caah cheukhat cu daithlang in um sual i zawtnak ngeih sual zong a fawi taktak cang. Mah caah cun zeiti maw i lunghrinh deuhnak hna na neih sual a si ahcun sizung kal hau lo tein a tang lei ka langhter bantuk khi rak i thlopbul ve.

1. Na cumpi, na hrawm hna a fak sual a si ahcun ti kha soi thluahmah in chum law mah cucu, cite he cawh law kam tthuah bantuk khin nikhat ah munite 1 chung vawi 3 in tuah.

2. Na cumpi, na hrawm fah a zual tuk sual a si ahcun, cite le tilum na din piak hlei ah vangkhawngba kha a hawng kheh piak law mah cucu, a ha in seh piak, mah hnu ahcun a khu kha second 10 chung dawp piak. Mah nihcun zawtnak 80% tluk a thian ter khawh tiah theih a si.

3. A pathumnak ahcun, na cumpi, na hrawm hna a fah tuk sual a si ahcun tilum kha na cuap tiang phang hrimhrim ding in nikhat ah 3 nihnih chung hrawng tuah piak. Mah nihcun zawtnak 90% tluk a thiam ter khawh tiah theih a si.

4. A pali nak ahcun, reite, khuaihliti kha keu 1 veve in cawh piak law mah cucu din piak. Cun lakphakti a linsa taktak le sanpiau a lum hlatmat mi te kha ei piak. Cun thli tiang a luhchuahnak a ttha mi hmun ah khan um piak khawh i zuam law mah vialte na tuah piak ahcun zawtnak 99% tluk kha fawi tein a thianter khawh tiah hlathlai tu lei nichun an chim.

You cannot copy content of this page