Covid-19 Dohnak Hrang Ah Hlasak Thiam Sai Sai Kham Leng Nih Ting (900) Bomhnak A pek

Kawlram hlasak thiam ah tuchunni tiang mipi nih an uar taktak mi le thazang petu angah taktak mi cu Sai Sai Kham Leng hi a si. Kum 40 renglo a si cang ko nain duhtawk hla a vun sah ah khin cun kum 20 bantuk khi a si.

Hlasak thiam Sai Sai Kham Leng cu tulio kan vawleipi akan buaiter dihtu Covid-19 pulrai dohnak ding ah tiin kyat ting 900 bak Yangon cozah sizung pathum ah bomhnak a pek tiah theih a si. Sai Sai cu kum chiar April 10 ah khin sunglawi taktak in Birthday show arak tuah tawn.

Hmanh sehlaw tu kum cu Covid-19 pulrai ruang ah tuah kho lo in a um, mah ruang ahcun Covid-19 runvennak ding ah tiin Birthday In Bedroom programe a tuah. Cu a tuahmi programe chung in a hmuh mi phaisa ting (300) cu Yangon sizung ah a bomhnak a pek.

Cun covid-19 dohnak lei ah tuanvo latu hna sin ahcun ting 300 apek tthan. Cu hnu ahcun thawdawtnak seh cawknak ding ah ting 200 a pek tthan. A tangmi cu tuniah vialte cu Mandalay Covid-19 dohnak ding ah tiin bomhnak a pek hna.

Sai Sai nih a dihlak teah bomhnak a pekmi cu kyat ting 900 a si i, phun li ah bomhnak a pek tiah theih a si. Sai Sai nih bomhnak a pekmi kong he pehtlai in a chim mi cu Birthday In Bedroom a tuahnak ah thazang a chuahtu mipi hna nan mah thawng in a si tiah lunglomhnak bia a chim.