COVID-19 CAAN LIO AH “TULUK MIPHUN” TTHANCHONAK “RAK REL VE HRIMHRIM KO”

Kan nih cu Tuluk miphun lakah Mission ṭuan i um kan si caah an cawlcangh ning le an ṭhancho ning kha ka van in Share cio hna.

 

1. An Khuabawi Le Sang Upa Hna Nih: Nan inn hmai cio ah nan ti khawhtawk cio in thil zuar cio uh an ti hna.

Khohsuai zuar an um, Rawl zuar an um, Mehhang zuar an um, Datsi zuar an um, Hnipuan zuar an um, Anmah le ti khawh ning cio in an cawl cang.

2. Zuarnak Hmun A Ttha Lomi Caah Lam Kam Ah Bazar (Temporary Bazar) An Tuahpiak Cio Hna.

3. Thil zuar bal lo tete zong an zuar cio hna an cawlcang cio hna.

4. An inn hmun chungah Meh hang(ti-sik-an-hnah) an cin cio hna i an zuar cio.

5. Mino nih an ti khawh ning cio in, an ṭuan cio hna.

6. Tar tete zong nih an ti khawh tawk cio in, an ṭuan cio.

7. Tam deuh in a ṭuan kho nih tam deuhin an ṭuan; tlawm te lawng ngeimi nih tlawm tein an cio.

8. Kanmah zong anmah bantuk in kan fa le nih hngakchia ei dingmi te inn hmaiah an zuar ve, thongsawm ( 50000) tein kan thok ve.

9. Kan Khrihfabu innchungkhar cio zong an ṭuan cio caah; kum dangnak in kan Khrihfabu Cheuhra cheukhat zong a karh deuh.

10. Punghman tein riantuan le nikhat chungah tlawm tete in phaisa luhnak ngeih i, a hman zia thiam, a karhter thiam hi ṭhanchonak a hrampi a si.

11. Mi dang nih an ṭuan lomi, an tuah lomi tete kha a hmete a si zongah a tlawmte a si zongah, tuah hmasat le ṭuan hmasat i zuam cio hna u sih. Thanchonak a si.

Kan nih Zumtu zong daithlang loin Pathian rian le Vawlei rianah teimak chuah hna u sih. Kan Pathian cu aa din bal lo, Jesuh nih ka Pa cu rian a ṭuan zungzal, Keimah zong rian ka ṭuan ve awk a si a ti. Catialtu: Rualhleih Sang