CNDF Ralkap A Nunnak Liam Mi Ralkap 5 Caah Ngaihchiat Nak Cathanh

Chin ramkulh, Falam peng le Sagaing ramtthen, Kalay peng chungah March thla le May thla chung ah Chin ralkap 5 an nunnak liam tiah May 12 ah CNDF nih cathanh a chuah.

May be an image of 1 person, outdoors and text that says 'M Q ဆလိုင်း ဆွီးထောင်းလျန်'

March 26 ah Salai Ro Thang Zam (Kum 44 )le Salai Lal Pek Thar ( Kum 22) hna cu Falam peng ralram hmun pakhat ah tlaih an tong i April 18 ah an ruak in hmuh an si.

April 11 ah Salai Abednego ( Kum 19 ) le April 13 ah Salai Kap Za Thuan ( Kum 29 ) hna cu Kalay peng ralram hmunkhat ah an nun nak a liam.

May be an image of 2 people, people standing and text that says 'ဆလိုင်း အဘင်းနဂိုး'

May 7 ah Falam peng ralram hmun pakhat ah bomb chuahsual ruangah mizapi vengtu ralkap pakhat a nunnak liam tiah an langhter.

Dohthlennak caah nunnak pe mi hna cu CNO / CNDF nih upat nak kan pek hna i tantak mi chungkhar nan ngeihchiat nak kn nin hrawmpi hna tiah an tial.

May be an image of 1 person and outdoors

Nunnak pek in ram a kilveng mi pasal tha hna thisen cu kan philh lai lo i SAC ralkap uknak cu a ci in kan hmiih khawh tiang kan doh lai tiah a nunnak a liam mi pasal tha hna min chal in cathanh ah an langhter.

” Kahdohnak ah a nunnak a liammi an um bantuk in tlaih hnu in an thah beh hna mi hna cu ralkap phungning an zulh lo a si tiah ” CNDF chimnak nawl ngei tu Salai Cung Ngai nih a chim.

Chin ramkulh chungah SAC ralkap he kumkhat leng ah kahdohnak voi 61 a chuak i SAC ralkap 400 leng kan thah khawh hna i CNDF lei in minung 19 cu ram le miphun caah an nunnak an pek tiah cathanh ah an langhter. Crd: TCP