Chinram Mindat pengin Covid-19 in zaw mi cu Halkha sii-inn leiah thlopbul dingin an rak ratpi lio si tiah theih a si.

COVID-19 in a zaw mi case-232 cu tuni ah Laitlang khualipi Hakha Pyituhsizung ah an thial tiah theih a si. Tu hi Mindat myo in Hakha lei panh in mawtawka nih an ratpi cuahmah lio a si tiah Mindat District Sii zung Dr. Zaw Win Nain sin in theih asi.

Mah Covid-19 case-232 hi an thlopbulnak ding hmun  le hma cu Hakha a si tiah a chim fawn. Tuni June 3.6.2020  suimilam 10:00am ah khan Hakha lei ah tthial ding in mawtaw nih an phurh I ankalpi cuahmah lio a si tiah Mindat District Sii bawi Dr. Zaw Win Nain sin in theih a si.

Case-323 an hmuhmi Mindat nute hi Malaysia in arak tlungmi a si I, Mindat myo ah Facility Quarantine an chiahmi zawng a si fawn tiah theih a si. Tuchuni tiang ah hin Laitlang/ Chinpyine ah Covid-19 in a zaw mi an hmuhmi dihlak hi minung 10 an si. Mah chung ahcun minung pathum cu siizung in an chuak caang tiah theih a si.

Halkha sii zung nih Tiphul kan farnu te zong kha chikkhat te ah an rak damh bal. Mah caah cun Mindat nute zawng cu tuni ah Hakha sii zung lei ah arannak in an tthial nak a si. Mah Mindat kan nau nute zawng Hakha siibawi te hmang in kan Pathian nih damnak pe hram ko seh.

 

 

 

 

 

 

You cannot copy content of this page