China Tilian Ttihnung Chin Lengmang Minung 23,143 An Nunnak A Liam Cang

Tuchunni tiang kan vawleipi akan buaiter dihtu Covid-19 pulrai zawtnak chuahnak China ram khuapi cu an tikhuahmi inn 35,000 reng lo a rawk dih leng ah minung 23,142 reng lo an nunnak a liam cang tiah theih a si. China ram cu vawleicung ram ah ram tthawng bak tiah minthang an si ko nain an fimnak/ thiamnak hmang in an i veng kho ti lo.

China ram khuapi cu ruahpi tam tuk ruang ah ti kawhnak ding ah an ser mi 4 bak cu tilian nih a hrawh dih ruangah State 52, khuapi 80 chung i khuasa mi 45 million nak tam deuh nih umnak inn le lo an chuah tak cang hna. Tuah hin Inn 35,000 nak tam deuh a rawk dih cang.

Minung tampi nih an zumh ning le an hmuh ning an chimnak ahcun Khrihfa biakinn tampi a hrawk tu le khrihfa mi tampi mitthli tla in atuah hna ruang ah Pathian nih dan a tat mi hna bak a si ko tiah a chimtu tampi an um. Tuah hin Yiling District ah um mi Tidil ngan taktak mi 4 a rawk ruang ah minung 23,143 an nunnak a liam cang tiah theih an si.

Mah lawng hmanh si lo in minung 220 reng lo nih hliamhma an pu pin ah minung 80 hrawnghrang cu khua zeiak an um hmanh an thei kho rih hna lo. Mah tilian ruang ah hin mi 45 million nih harsaknak fakpi an tuar cuahmah lio a si. Zeitluk fimthiam ko hna hmanh sehlaw kan Pathian nih aza a ti cang ahcun an fimnak hna cu pakpa lawng men an si.

China communist cozah nih Khrihfa mi hna fak tuk in a hrem ruang le an Biakinn 64 dengmang an hrawh piak cang hna. Khrihfa mi minung tampi cu mitthli he an um cuahmah lio a si. Zumtu nangmah le keimah nih biatak tein thlacam nak in bawm cio hna u sih.

Covid-19 zawtnak ruang ah vawleicung ah hin minung 666720 an nunnak a liam cang i, minung 16954944 tluk zawtnak kai an um cang tiah WHO nih  achim phuan. Hi tluk vawleipi kan buai lio le tilian ruang aram minung thong tam tuk nih harnak an tawn lio ah China cozah cu a pawngkam ram 21 hna ramri cuh in a buainak cuahmah peng ko.