HAKHA KHUA LE PATHIAN VEL
2015 kum, Hakha khua a cimh lioah khan; lam vialte a rak pit dih! Sihmanhsehlaw, lam pakhatte a rak pit lomi a um! Cu lam cu, “Van lam, PATHIAN he kan i Pehtlaihnak lam kha a si!” Cucaah, ahohmanh ei awk le din awk ngei loin kan rak um lo i Thluachuah tam chinchin kan hmuhnak tu-ah aa cang!
2021 kumin, Kan ram a hun buai tikah; ram chung ram leng mifim le thlacamtu tampi nih, Hakha khua zong a him lai lo ti si. An mang le an biaphuan/phungchim zongin a him ding a si lo i an thluak tuaknak zongin a him hrimhrim lo!
Cucaah, chungkhar tampi an zaam i a zaam duh lomi hmanh an zaam hlan lo an tlerh lengmang hna caah an duh lo buin a zaammi chungkhar an tam! Zeitik ah dah a kanghte lai i a rawhte lai ti kha, Jonah nih Nineveh khua a rawh/kangh a hngah bang khan a langin an kan cuanh!
Sihmanhsehlaw, BAWIPA VEL cu a ȚHA tuk i nihin ni tiang kan him! Hmailei zongah kan him thai ko lai! “Kan him ko lai,” ti hi aamahkhaan in ralțha ngaiin ka chim! Zeicahtiah, Hakha khua chungah, an lung dihlakin BAWIPA a autu, an tam i cu hna Thlacamnak le aunak cu BAWIPA VEL nih a Philh bal hna lo!
Hakha khua himnak cu; BAWIPA -ah a um cang caah, ahohmanh nih an hrawk lai lo i a ventu a venter leh lam hna lai!
BAWIPA VEL cu Hakha Khuapi cungah a ȚHA! Hakha khuapi na cungah, BAWIPA VEL le Daihnak um seh!
<span;>KHRIH sal-Lamkaltu Tluang Lian (Martar)