Hakha – Gangaw Lamcung Ralhraang Riahbuk An Laak CDF Pahnih Ram Caah Nunnak Liam. Gangaw lamcung ah a ummi Bungzung khua ralhraang riahbuk le palek riahbuk cu Dipa 18 ah Chinland Council ralkap CNA, CDFs nih an laak.
Hi kahdohnak ah ralhraang bawi pakhat telh in ralhraang zeimawzat a nung in tlaih an si hlei ah hriamnam zong laak a si chih.
Kahdohnak ah Chinland Council ralkap a si mi CDF Hakha in minung pahnih le ram le miphun caah an nunnak an pek. Panga hrawng hliam an tuar.
Hi kahdohnak ah ralhraang hriamnam zun 32 le kuanzen tampi an laak khawh hlei ah ralhraang a nung in paruk an tlaih hna.
Bungzung ralhraang riahbuk laaknak ah hin Chinland Council ralkap CNA, CDF-Hakha, CDF-Thantlang le CDF-KKG an i bawm. A tang video hi rak zoh ve hmanh Pu Aung a nau le nih an pamh nak a si.