Chin Miphun Thinlung Ah A Thi Cang Mi Pahnih Hna Hi Mipi Nih Tei Nak Kan Hmuh Bak In Tedan Pek Cawlh Phu An Si

Pasaltha Chin miphun chung in kan ngeih mi hna tiah uarthlar ngai in an min kan chim tawn mi hna cu zungzal in Chin miphun thinlung ah an thi thai cang lai. Nihin thok cun Chin mipi nih an kong tha an chim ti hna lai lo.

Dr.Ngun Cung Lian Nih Kawlram Hi US Ram Bantuk Si Sehlaw NLD An Pi Daw Suh Cu Medical Check Up An Tuah Lai – Chin Miphun Tlangau

An min an chim paoh ah Leirawitu an si tiah tuanbia ah an taang peng cang lai. Pu Ngun San Aung cu Chin miphun chung in mifim, Miphun dirkamh tu le pacan ah ruat peng mi asi. USDP chan lio ah minister rian zong a ttuan mi a si.

NLD chan ah Pu Lian Luai, Pu Zo Bawi le VP Henry Van Thio nih advisor bantuk in an hman mi zong a si i Matupi pengkulh kong cawlcanghnak ahcun a mah idea lawnglawng an lak tawn.

PM Lee congratulates Aung San Suu Kyi on Myanmar election win - CNA

A si nain nihin ahcun Pu Lian Luai, Pu Zo Bawi le Henry Van Thio leirawi in Ralkap kut taang ah kun hram aa thok, Chin miphun, Matupi miphun a leirawi tu ah aa chuah cang.

Dr. Ngun Cung Lian cu Chin miphun chung in Upadi lei thiamsang kan ngeih chun a si tiah kan upat tuk tawn cio hna. A min chim kan rak uar, kan rak i uang tuk cio hna. Ngun Cung Lian hi ralkap uknak a rak zam tak ve mi asi.

Kawl Pawl Nih Dr Ngun Cung Lian An Phomh Ning Cu Faak Bak Ko -

Miphun caah tiah CNF ah kum 30 renglo rian a ttuan i Kawl ralkap Cozah a rak doh. US ah ralzam sinak in a phan i Upadi lei thiamsang Ph.D tiang an kan hmuh piak. A si nain Kawl ralkap le CNF an i chonh cang ka in Kawl ralkap nih an lem khawh colh tikah Chin mipi kan khuaruah a har ngai.

CNF in Kawl ralkap lei a luh colh tikah kan lung a rak fak tuk cio, a si nain Ralkap chung ah um mi an thinlung theih a duh bia a si ko lai tiah kan rak i hnem cio hna. A si nain duhsah tein ralkap thatnak cu Chin mipi sin zong ah a chim cuahmah.

Tutan ah a voi 2nak Chin mipi an kan leirawi tthan. Hramhram in uknak an kan chut tu Ralkap ruahnak petu ah a dir. Ruahnak petu a simi hramhram ralkap uknak chuhnak ah tuanvo nganpi ngeitu, thil sual a tuah tu tinak a si. Chin mipi nih leirawi tu in kan hmuh thai ve cang lai.

Jesuh a leirawi tu Judas Iscariot cu nihin tiang vawleipi nih leirawi tu tiah a min an chim peng cang. Vawlei caan dongh tiang a tuanbia a chim lai i a min a chia cang lai.

Cu bantuk in Chin miphun leirawi tu pahnih hna zong hi Chin miphun chung ah an tuanbia a chia thai cang lai, vawlei a dongh tiang Chin miphun chung in Judas Iscariot tiah auh len an si cang lai. Chin Pasaltha timi in Chin Judas Iscariot tiah techin fapar chan tiang tuanbia an tial cang lai

You cannot copy content of this page