CDF-Zotung Pasalttha Pathum Ralhrang Nih An Thah Mi Hna Hmanthlak Hmuh Cu Thinlung Nih A Celh Lo Ee

DF-Zotung Commander in chief Thah Ceu telh in minung 3 cu SAC ralkap nih July 27 ah meikhangh in an rak thah hna, tiah CDF-Zongtung nih cathanh an chuah.

May be an image of 3 people, people standing, outdoors and text

 

SAC ralkap hna cu a luancia July 22 ah Chin ramkulh, Matupi peng Rangcci khuachung ah lut in, khuami 27 cu Biakinn chung ah an rak tlaih hna.

CDF-Zotung in chimphuannak nawlngeitu pakhat nih a chim ning ah cun, “CDF-Zotung commander in chief pakhat le ralkap 2 hna nih khuami tlaih a tongmi hna hrem an ton le ton lo a thli in an veh hna lio ah SAC ralkap nih July 23 ah an rak tlaih hna.

May be an image of 3 people, people standing, outdoors and text

Khuami nih cun tlaihkhih an ton zong an rak thei hna lo. July 27 SAC ralkap nih an ruak an khanghmi rim cu kan theih, an ruak cu aho an si theih fian a har ngai nain minung 3 an si caah, commander in chief le a ralkap an si ko lai tiin kan fehter” tiah a chim.

SAC ralkap kut in thah a tongmi hna cu CDF-Zotung commander in chief Tha Ceu kum 40 hrawng, CDF-Zotung Aung Ming Thang le Thang Cing Mang kum 20 hrawng an si. SAC ralkap nih an tlaihmi khuami 27 hna cu nihin August 3 ah an thlah áš­han cang hna, tiah theih a si. Crd: TCP