CDF-Tonzang Nih Tonzang Khua Mi Cheu Khat Ralhrang He Aa Pehtlai Mi Zung A Kai Mi Sin Ah Ralrin An Pek Hna

Tonzang ah Zung a kai rih mi le rian attuantu cu kan in kah hna lai, tiah CDF-Tonzang nih ralrin pek. Tonzang Peng chung ah nihin tiang Zung a kai rih mi le Sii-inn he aa pehtlai mi rian nan auh mi nan ngol lo ahcun kan in kah hna lai, tiah CDF-Tonzang nih ralrin peknak cathanh an chuah.

NUG Acting President Duwa Lashi La nih Penguktu hna le Zung riantuantu hna rian ngol in Zung kai ti lo ding kong September 7 ah a rak thanh cang nain President bia a ngailo mi nan um i zung nan kai, rian nan auh rih.

Cucaah, Nawlngeihnak aa hruhpi mi Min Aung Hlaing le a kuttang minung pawl kan doh hna lio ah caantha la in zung a kai rih mi le rian a autu cu kan in kah taktak hna lai, tiah cathanh an chuah. Crd: The Hakha Times