CDF RALKAP RALRIN DING MI PAHNIH

1. Pumpak larnak: Mipi sin ah (power) hmunsak caan le (one men show) phun i riantuan caan a si lo. Nangmah le kei mah lawng nih kan ttuan khawh mi rian a si loh hih.

Tutan dohthlennak rian hi caan rem caan tha ah i lak riangmang in, Social media cung le mipi sin i lar duh ruang le mi nih cawisan, fak, chimthiam..etc..duh ruangah hi dohthlennak rian hi kan ttuan awk a si lo.

A ruang tampi ruangah a tel kho lo mi kan mino hawi zong va soisel tuk awk an si lo. An mah caan a phan ve te ko lai. Komiti le buu pakhat bantuk sawh men i rianttuan si loin HRIAMTLAI phu kan si hi philh lo ah a tha.

A bik in hruaitu upa deuh nih kan hman mi a si. (Tthinh zok a hau! Rianttuan hawi he i rem lonak a chuak kho) Miphun le ram caah na temtuarnak, thabatnak, thangchiat, soiselnak, nai peknak vialte cu dingthlu lairel Pathian mithmuh fawh a si ko. Cinken piak na si ko cuh!

2. Mipi hrocer le tlerhkhawn: CDF ralkap cheukhat nih style phunkhat bantuk ah i lak riangmang in sualnak a ngei lo mi mipi, a mah cong te a thai ciahmah ko mi hrocer le tlerhkhawn hi kan ton pah lengmang mi thil a si.

Uniform vun i hruk mitbenh-nak (sunclass) vun i benh le cangka lungpuam le a lal i i thlak colh! Zuu i rit riangmang i CDF ka si. Cu bantuk kha bantuk tuahnak nawl ka ngei. Kan thah ahcun tu lio ah zei (hmuh) hmanh a um lo, Dalan a si kan ti lai i cu vial cu na si ko.

Na kumnak tam mi ka thah cang hna hih na thei maw? ti i Meithal le a zumhar hriamnam he mipi hrocer le tlerhkhawn a hmang mi CDF ralkap cu kan doh cuahmah mi MAH le a uico pawl he nan i dannak bak a um lo.

Kan tarnu kan tarpa hna le semmawng rual lungtur zawtnak neihtertu menmen na si. CDF rianttuan hi style thohnak hmun a si lo. Power piahnak hmun zong a si lo. Mi zeirellonak hmunhma zong a si fawn lo. Zingchiar zanchiar kan din-ei mi tirawl hna le uniform, thilri hna hi khoika hmun in dah kan hmuh?

A ho caah dah hi rian hi kan ttuan? Kan mipi hna lung kan dongh sual hna lai maw ti zong hi theih ding. A dil bawmtu kan si khawh lo hmanh ah a sat tu si cu rak i zuam len ding kan si lo eh!RuahawkRussia le Ukraine kong i va buai lennak cun, mah miphun le ram kongah buai deuh rai.!

2020 lio i Miphun le ram (thih ngamh in) a dawttu kan MP pawl kha cu Vom hnit le Sui tlang kawl i kawl hmanh ah hmuh khawh dawh nan si ti loh! Thluak linh tal a dam deuh phum hnga maw tiah kavunzaita, pumpak hmuhton. Hivialhikachimkhawhtawksiseh kailawm. Crd: Pahniang

Video link zohnak