BREAKING NEWS: US Ah Pi Tum Ṭial Ar Zuatnak Inn A Kaang!

US ram Georgia state ah a ummi Pi Tum Ṭial ar zuatnak inn cu US lei tuzing August 3 ah a kaang, tiah theih a si!

A kanghnak a ruang hi fiangin theih khawh a si rih lo! Meithat lei ṭuanvo ngeitu hna nih cun miset (Generator) an chiahnak in aa thok mi a si lai, tiah an zumh!

Ar inn hi a sau pe 400 le a kauh pe 40 a simi pali a um i, inn khat ah ar 20,500 an chiah! A kaangmi hi inn khat a si i ar zong a kaang chih dih tiah theih a si!

Pi Tum Ṭial cu Thantlang peng Vomkua khuami an si! Kan hnulei ah a pasal nih a thih tak caah a fale 5 he khua a sami an si! Crd: TCP

Relchap- Ngaihchia tein Zeitin hnemh awk ka thiam ve lo, kan ti ko lai. Ka zaangfak ngai. Mah nute hi ka hawipa i a boss fanu a si. Siibawi a rak si i Kawlram democracy caah cun ai rak ipe bak ve. Pi Suu ai rak imolhpi vemi te a rak si.

Zaw Win Htut timi Kawlram rock hlasa minthang pa kha a min a rak thantertu taktak cu U Zaw Win a rak si; hi nu i a pa khi si. U Zaw Win cu calngau lukawng phun khi a rak si i Metal Zone timi music band a rak dirhpi hna.

Cu hnu ah, Metal Zone ah biapi bik minung i ai rak ichuah khotu cu Zaw Latt ah ai cang. Zaw Latt timi pate cu ka siang kaiṭi a rak si. Hi pate hi izuamnak a rak ngei ngai. A muisam belte khi Dawrhlun Kala ah ka rak ruah.

“Chin” ti khi an lung chung in zei ah an rak kan rel lo tuk. Nain, Kawl chiahru le Kala luklak lawng si loin Aamaluk hmanh zeite ah ka rak rel ve hna lo. Hinu Chit Thu Wai i a pa le ka hawipa cu an co hnga dingmi phaisa kong ah rak buai.

Mah khan an rak iṭhen. Hi Kala phun hnarsau pawl tete hmanh nihkhin “Chin cu zei theilo phun nawn te khin an rak kan ruah ko cu”. Atu ka langhtermi minung pawl hi Laimi music chuahnak he ai rak pehtlaimi minung nihcun an rak hngalh balmi hna lawngte an si.

Hi nu te khi Khrihfa cu a si; a pa Khrihfa a si caah. Hi pawl zong nihhin Lai (Chin) cu zeite ah an rak in rel hna lo ka ti ah cun, “na lih” tiah nan ka ti men lai. Mah le mah ihgalhnak ding, theihtlei sawh ah hei thai bia.

Video link zohnak