BREAKING NEWS: TUALPUI NUNGAK, B.LALHLIMMAWI CU TLANGVAL PAKHAT NIH FAK TUK IN A VUAK

Nizan (15.6.2029) suimilam 7:30 hrawng ah khan Khawzawl ah pa pakhat , Laldawngliana an timi pa nih a nupui a si rua tiah Tualpui khua nungak pakhat cu namtong in a tuk i fak taktak in hliamhma a pu taih theih asi. Mah nungak cu Champhai Hospital-ah an tlikpi cawlh i an thlopbul cuahmah lio a si.

Tualpui khua nungak Lalhlimmawii cu nizan zanlei ah khan, Dulte khua ah a pule tlawng ding in akal mi cu Khawzawl ah zanriah eiin Zuchip sang Pu Engmawia te inn ah ai tthum. Zanrian an ei hnu suimilam 7:30pm ah khan Dulte leo panh in a chuak tthan.

Mawtaw lampi a phanh hnu ah khin thil philh mi a ngeih ruangah a kir tthan mic u Khawzawl Dinthar sang ah ah um mi Laldawngliana kum 36 nihcun arak dirter i namtong nihcun a hmai ah vawi tam nawn a rak tuk hi a si.

 

 

 

 

 

 

 

 

 

 

 

 

 

 

 

 

Lalhlimmawii cu hlaimhma fak tuk i in ruang ah lungfim lo in a tlu. Mipi ai chokvak mi nihcun nungak Lalhimmawii lungfim lo in lampi ah arak rilh ko cu anva hmuh i a rak nak in sizung ah an tlikpi cawlh. Khawzawl sizung sibawi te nihcun ahmai hliamhma vialte cu an rak tthit piak.

Mah hnu in cun Champhai District Hospital ah a rannak in an thial tthan i, ah hin Champhaisa District Hospital ah an tlopbul cuahmah lio a si.Lalhlimmawii cu a chal, a hnar, a biang le a khabe-ah hliam a tuar a, a ha zawng tampi a kiak chih tiah theih a si.

Laldawngliana nih Lalhlimmawii a namtong in atuk hnuah a zam diam tiah theih asi. Mah thawngpang cu Khawzawl palik nih zan suimilam 8:00pm hrawng ah khan report kan theih i an theih le cangka in Khawzawl S.P Pu PC.Lalchunglura hna nih misual pa cu an kawl cawlh taih theih a si.

An kawl hnu tlawmpal ahcun zumho deuhmi minung pahnih an tlaih hna i mah an tlaih mi lak ah pakhat deuh cu nungak Lalhlimmawii rak vuatu Laldawngliana cu a rak si. Laldawngliana cu nizan ah khan a nupi he anrak i sik ruang ah a nupi nih arak kal tak.

Mah ruangah a nupi cu a pu le inn lei ah akal le si la taih lampi in cun a rak bawh i nungak Lalhlimmawii he ruahlopi ah khin an i tawng i an nupi a si rua taih namtong in arak tuk tiah theih a si. Laldawngliana cu Khawzawl Police Station-ah buainak a chuahpi taih an reprt cawlh i, tuzingah khan Champhai-ah Court ding in an kalpi tiah theih asi.

Mah thil cangmi ruang ahcun Tualpui khua mi hna nihcun an khua nungak, B.Lalhlimmwii hliamhma putmi ruang ah thinhang in tuni ah khan Khuami hruaitu le NGOs hrang hna cu Khawzawl panhin an kal tiah theih a si.

An khua nungak fel tukmi nih Khawzawl khua misual kut a tuar mi cu an thinhang tuk i sualnak tuahtu nih zeiruang ah dah mah bantuk in fahnak a rak pek timi cu hlathlai ding in le dantatnak fak taktak pe ding in an ti hna. Hmailei ah hi bantuk thil hi tlung ti hlah seh taih Kawzawl khua hruaitu hna sin ahcun an chim.

You cannot copy content of this page