Breaking News: Salai Sui Sang Lian SAC Ralkap Nih An Tlaih

Chin ramkulh Khualipi Hakha khua ah nihin June 18 sml 12:00 hrawng Auto Sang um, Salai Sui Sang Lian cu SAC ralkap nih an tlaih.

May be an image of 2 people

Chungkhar he naihniam mi pakhat nih,” ruah lo piin SAC ralkap cu an ra i an inn an kulh colh. Inn chung ah an lut i chungkhar cazin an chek.

Bia tlawmpal an hal hna hnu ah Salai Sui Sang Lian an kal pi hi a si. A phone chung zong ah zei hmanh a um lo. Zeiruang dah an kalpi ti zong kan hngal lo,” tiah The Chin Post ah a chim.

May be an image of 2 people

Ruah lo piin an ra i inn an kulh colh tikah thawng petu an um hrimhrim lai, tiah a chimchap.
Mithmu tu pakhat nih Cherry sang lei ah an kal. Mi an kawl hna, laipuan an i ngerh i a chung in meithal an i put, tiah a chim.

Kathar Peng Kahdohnak Ah SAC Ralkap 40 Nak Tlawm Lo An Thi. Sagaing ramṭhen, Kathar peng chung ah kahdohnak voihnih a chuak i, SAC ralkap 40 nak tlawm lo an thi, tiah theih a si.

May be an image of 4 people, people standing, military uniform and outdoors

June 17 ah Kathar peng nichuah lei Innkyi(အင်းကြီး) lam (17) hmun pawng ah voikhatnak kan i kap i (14) Kyauktaung(ကျောက်တောင်) pawng ah SAC ralkap pawl cu bomb lung hnih nih kan puah ṭhan hna.

Zanlei ah SAC ralkap nih hriamngan in an kan kah, tiah Kathar Pah Ka Pha nih cathanh an chuah. Cu kahdohnak ah Kathar pengkomh PDF Battalion 3 le Pah Ka Pha ṭangṭi phu hna nih an kah hna i, SAC ralkap 20 nak tlawm lo an thi. Kathar Pah Ka Pha in ralkap pakhat a nunnak liam ve, tiah theih a si.

May be an image of 4 people, people standing, military uniform and outdoors

June 17 ah Kathar khua pawng motor dinhnak hnulei rawl dawr ah rawl a ei liomi SAC ralkap 60 hrawng cu, zanlei sml 2:00 hrawng ah Kathar Pah Ka Pha le ABSDF ṭangṭi phu hna nih an kah hna, tiah theih a si.

Zanlei sml 4:00 hrawng ah motor pakhat nih SAC ralkap hliamhma pumi hna cu sii-inn ah a kapi hna i, ralkap 20 nak tlawm lo an thi tiah cathanh an chuah. “Inn khua kahdohnak cu fiang in kan hngal lo.

Zanlei ah SAC ralkap sii-inn an kalpi mi hna hi an tam ngai. A thimi cu 20 lawng an si lo, tiah sii-inn he naihniam mi pakhat nih a chim,” tiah Kathar khua sang No.(5) ummi pakhat nih a chim. Crd: The Chin Post